சசிக்குமார் நடித்த டூரிஸ்ட் பேமிலி திரைப்படம் வரும் ஜூன் 2-ம் தேதி முதல் ஜியோ ஹாட் ஸ்டார் ஓடிடி தளத்தில் வெளியாகும் என படக்குழு தெரிவித்துள்ளது.
சசிகுமார், சிம்ரன் நடிப்பில் கடந்த 1ம் தேதி வெளியான டூரிஸ்ட் ஃபேமிலி படத்தை அறிமுக இயக்குநர் அபிஷன் ஜீவின்ந்த் இயக்கியிருந்தார்.
இதில் மிதுன் ஜெய்சங்கர், கமலேஷ், யோகி பாபு, ரமேஷ் திலக், எம்.எஸ். பாஸ்கர் உள்ளிட்டோர் நடித்திருந்தனர். இந்த படம் இலங்கையைச் சேர்ந்த ஒரு தமிழ் குடும்பம் தமிழ்நாட்டுக்கு அகதிகளாக வந்து சந்திக்கும் சவால்களை காமெடியுடன் கூறும்படி எடுக்கப்பட்டது.
இத்திரைப்படம் 4 வாரங்கள் கடந்தும் தமிழ்நாட்டில் அதிக ஷோ எண்ணிக்கையுடன் ஓடிக்கொண்டு இருக்கிறது.
