கன்னட மொழி குறித்து பேசிய நடிகர் கமல்ஹாசன் நிபந்தனையற்ற மன்னிப்பு கேட்க வேண்டுமென கர்நாடக மாநில பாஜக தலைவர் விஜயேந்திரா வலியுறுத்தியுள்ளார்.
தக் லைஃப் பட ப்ரோமோஷன் நிகழ்ச்சியில் கன்னட மொழி குறித்து கமல்ஹாசன் பேசியதற்கு கர்நாடக மாநிலத்தில் கடும் எதிர்ப்பு எழுந்துள்ளது.
இது குறித்து கருத்து தெரிவித்துள்ள கர்நாடக மாநில பாஜக தலைவர் விஜயேந்திரா, கலைத்துறையில் உள்ள நடிகர்கள் அனைத்து மொழிகளுக்கும் மதிப்பளிக்க வேண்டுமென வலியுறுத்தியுள்ளார்.
கன்னடம் உள்ளிட்ட பல்வேறு மொழிகளில் நடித்துள்ள கமல்ஹாசன் கன்னட மொழியையும், கன்னடர்களையும் அவமதித்துள்ளதாகவும் விஜயேந்திரா வேதனை தெரிவித்துள்ளார்.
இதனிடையே தமிழில் இருந்துதான் கன்னடம் தோன்றியது என்று கூறிய கருத்துக்கு மன்னிப்புக் கேட்க முடியாதென, நடிகர் கமல்ஹாசன் தெரிவித்துள்ளார்.
