சர்வதேச யோகா தினத்தையொட்டி உலகின் பல்வேறு இடங்களில் யோகா தின சிறப்பு பயிற்சிகள் நடைபெற்றன.
அந்தமான் – நிகோபார் தீவில் உள்ள ஸ்ரீ விஜயபுரம் பகுதியில் 11-வது சர்வதேச யோகா தின விழாவையொட்டி முப்படையை சேர்ந்த அதிகாரிகள் யோகாசனங்களை மேற்கொண்டனர்.
இதேபோல, நியூயார்க்கின் டைம் ஸ்கொயரில் நடைபெற்ற யோகா நிகழ்ச்சியில் பாலிவுட் நடிகர் அனுபம் கெர் உள்ளிட்ட பலர் பங்கேற்றனர். நூற்றுக்கணக்கானோர் ஒரே நேரத்தில் பல்வேறு ஆசனங்களைச் செய்து யோகாவின் முக்கியத்துவத்தை வலியுறுத்தினர்.
ஹரியானா மாநிலம் குருஷேத்ராவில் நடைபெற்ற யோகா தின நிகழ்ச்சியில் அம்மாநில முதலமைச்சர் நயாப் சிங் சைனி கலந்துகொண்டார். யோகா குரு சுவாமி ராம்தேவின் வழிகாட்டுதலின் கீழ் ஏராளமானோர் நிகழ்ச்சியில் பங்கேற்று யோகாசனங்களைச் செய்தனர்.
