கனடா ஓபன் டென்னிஸ் மகளிர் பிரிவு ஆட்டத்தில் ஒசாகா, கிளாரா டௌசன் அரையிறுதிக்கு முன்னேறினர்.
முன்னணி வீரர், வீராங்கனைகள் பங்கேற்கும் கனடா ஓபன் சர்வதேச டென்னிஸ் போட்டி டொரண்டோ நகரில் நடைபெற்று வருகிறது.
இதில் மகளிர் காலிறுதி ஆட்டத்தில் ஜப்பானின் நவோமி ஒசாகா, உக்ரைனின் எலினா ஸ்விடோலினாவுடன் மோதினார்.
இந்த ஆட்டத்தில் 6-2, 6-2 என்ற கணக்கில் ஒசாகா வெற்றி பெற்று அரையிறுதிக்கு முன்னேறினார். மற்றொரு காலிறுதி ஆட்டத்தில் அமெரிக்காவின் மேடிசன் கீஸ் டென்மார்க்கின் கிளாரா டௌசனை எதிர்கொண்டார்.
இந்த ஆட்டத்தில் மேடிசன் கீஸ் 1-6, 4-6 என்ற கணக்கில் அதிர்ச்சி தோல்வியடைந்தார். அரையிறுதி ஆட்டத்தில் கிளாரா டௌசனுடன், நவாமி ஒசாகா மோதவுள்ளார்.
