மும்பையில் உள்ள ஆப்பிள் ஸ்டோரில் ஐ-போன் 17 சீரிஸ் வாங்க பொதுமக்கள் முண்டியடித்ததால் தள்ளுமுள்ளு ஏற்பட்டது.
ஐபோன் 17 சீரிஸ் மாடல்கள் இந்தியாவில் அறிமுகமாகியுள்ளன. இதில், ஐபோன் 17, ஐபோன் 17 புரோ, ஐபோன் 17 புரோ மேக்ஸ் உள்ளிட்ட மாடல்கள் விற்பனைக்காக வந்துள்ளன. அதன்படி, ஐபோன் 17 இன் 256 ஜிபி மெமரி கொண்ட பேஸ் மாடலின் விலை 82 ஆயிரத்து 900 முதல் தொடங்குகிறது.
ஐபோன் ஏர் அதே மெமரி வேரியண்டின் விலை 1 லட்சத்து 19 ஆயிரத்து 900 ரூபாயில் இருந்து தொடங்குகிறது. ஐபோன் 17 ப்ரோ மற்றும் ஐபோன் 17 ப்ரோ மேக்ஸ் ஆகியவை 1 லட்சத்து 34 ஆயிரத்து 900 மற்றும் 1 லட்சத்து 49 ஆயிரத்து 900 ரூபாய் விலையும் விலையில் தொடங்குகின்றன.
இந்த நிலையில், இந்தச் செல்போன்களை வாங்குவதற்காக மும்பை, டெல்லி, பெங்களூருவில் உள்ள ஆப்பிள் ஸ்டோர்களில் அதிகாலை முதலே இளைஞர்கள் குவிந்தனர். நீண்ட வரிசையில் காத்திருந்து ஐபோன்களை மகிழ்ச்சியுடன் வாங்கிச் சென்றனர்.
இதற்கிடையே, மும்பையில் உள்ள ஆப்பிள் ஸ்டோரில் ஐ-போன் 17 சீரிஸ் ஏராளமான இளைஞர்கள் குவிந்தனர்.
அப்போது சில இளைஞர்கள் இடையே தள்ளுமுள்ளு ஏற்பட்டது. இதையடுத்து அங்கு பாதுகாப்பு பணியில் ஈடுபட்டுக் கொண்டிருந்த போலீசார், நிலைமையை கட்டுக்குள் கொண்டு வந்தனர்.
