பார்க்கிங் படத்தில் நடித்த எம்.எஸ்.பாஸ்கர் சிறந்த துணை நடிகருக்கான தேசிய விருதை குடியரசுத் தலைவர் திரவுபதி முர்முவிடம் பெற்றார்.
இந்தியாவில் சிறந்த திரைப்படங்கள், சிறந்த நடிகர்கள், நடிகைகளுக்கு 1954-ம் ஆண்டு முதல் தேசிய விருதுகள் வழங்கப்பட்டு வருகின்றன. அந்த வகையில் 2023 ஆம் ஆண்டிற்கான 71வது தேசிய திரைப்பட விருதுகள் வழங்கும் விழா டெல்லியில் உள்ள விஞ்ஞான் பவனில் நடைபெற்றது. சிறந்த தமிழ் படம் மற்றும் சிறந்த திரைக்கதைக்கான விருதுகளை ‘பார்க்கிங்’ படம் வென்றது. அப்படத்தில் நடித்த எம்.எஸ்.பாஸ்கர் சிறந்த துணை நடிகருக்கான தேசிய விருதை வென்றார். அவருக்கு குடியரசுத் தலைவர் திரவுபதி முர்மு விருது வழங்கினார்.
முன்னதாக சிறந்த தமிழ் படம் மற்றும் சிறந்த திரைக்கதை ஆசிரியருக்கான தேசிய விருதுகளை பார்க்கிங் படத்தின் தயாரிப்பாளர் சினிஷ், இயக்குனர் ராம்குமார் பால கிருஷ்ணன் ஆகியோர் பெற்றனர்.
