இந்தியாவில் கோடீஸ்வரர்கள் எண்ணிக்கையில் டெல்லி 2ம் இடத்தில் உள்ளதாக ஆய்வறிக்கையில் தெரிய வந்துள்ளது.
அதன்படி மும்பையில் 1 லட்சத்து 42 ஆயிரம் கோடீஸ்வரர்கள் இருப்பதாகவும், டெல்லியில் 80 ஆயிரம் கோடீஸ்வரர்கள் இருப்பதாகவும் அறிக்கை கூறுகிறது.
டெல்லியில் உள்ள பணக்காரர்களில் டாப் 5 பணக்காரர்கள் பட்டியலில் HCL-இன் சிவ் நாடார் 2 புள்ளி 62 லட்சம் கோடி சொத்துடன் முதல் இடத்தில் உள்ளதாகவும், ஏர்டெல் நிறுவனர் சுனில் மிட்டல் மற்றும் குடும்பத்தினர் 2 புள்ளி 55 லட்சம் கோடி சொத்துடன் 2ம் இடத்தில் உள்ளதாகவும் குறிப்பிடப்பட்டுள்ளது.
தொழிலதிபர் ரவி ஜெய்பூரியா 1 புள்ளி 32 லட்சம் கோடி ரூபாய் சொத்துடன் 3வது இடத்தில் உள்ளார். ராயல் என் பீல்ட் பைக்குகளை தயாரிக்கும் ஐசேர் மோட்டார் நிறுவனத்தின் விக்ரம் லால் குடும்பத்தினர் 92 ஆயிரம் கோடி ரூபாய் சொத்துடன் 4ம் இடத்திலும், டாபர் நிறுவனத்தை நிர்வகிக்கும் பர்மன் குடும்பம் 86 ஆயிரத்து 320 கோடி ரூபாய் சொத்துடன் 5வது இடத்திலும் உள்ளனர்.
