Dude திரைப்படத்தில் இளையராஜாவின் பாடல்களைப் பயன்படுத்தியது தொடர்பாக வழக்கு தொடர சென்னை உயர்நீதிமன்றம் அனுமதி வழங்கியுள்ளது.
அனுமதியின்றி தனது பாடல்களை வேறு படங்களுக்குப் பயன்படுத்தியதாகக் கூறி சோனி மியூசிக் உள்ளிட்ட நிறுவனங்களுக்கு எதிராகச் சென்னை உயர்நீதிமன்றத்தில் இளையராஜா வழக்கு தொடர்ந்திருந்தார்.
இந்த வழக்கு மீண்டும் விசாரணைக்கு வந்தபோது, சோனி நிறுவனம் இதுவரை எந்தப் பதில் மனுவும் தாக்கல் செய்யவில்லை என இளையராஜா தரப்பு வழக்கறிஞர் குற்றம்சாட்டினார்.
அத்துடன் பிரதீப் ரங்கநாதன் நடிப்பில் வெளியான Dude திரைப்படத்திலும் அனுமதியின்றி 2 பாடல்கள் பயன்படுத்தப்பட்டு உள்ளதாகவும் சுட்டிக்காட்டினர். இதனைக் கேட்ட நீதிபதி, Dude திரைப்படம் தொடர்பாகத் தனியாக வழக்கு தொடருமாறு இளையராஜா தரப்புக்கு அறிவுறுத்தினார்.
