கர்நாடக காங்கிரஸ் தலைவர் பதவியில் இருந்து விலகுவதாக அம்மாநில துணை முதலமைச்சர் டி.கே.சிவகுமார் சூசகமாக தெரிவித்துள்ளார்.
டெல்லியில் காங்கிரஸ் தேசிய தலைவர் மல்லிகார்ஜுன கார்கேயை சந்தித்த கர்நாடக துணை முதலமைச்சர் டி.கே.சிவகுமார், தனது கர்நாடக காங்கிரஸ் தலைவர் பதவியை ராஜினாமா செய்ய மறுத்ததாக தகவல் வெளியானது.
பெங்களூருவில் செய்தியாளர்களிடம் பேசிய அவர், ஐந்து ஆண்டுகளுக்கும் மேலாக மாநில கட்சித் தலைவராகப் பணியாற்றி வருவதாகவும், மற்றவர்களுக்கும் வாய்ப்பு வழங்கப்பட வேண்டும் எனவும் கூறினார்.
தாம் நிரந்தரமாக தலைவர் பதவி வகிக்க முடியாது எனவும் அவர் தெரிவித்தார். 2023ஆம் ஆண்டு துணை முதலமைச்சராக பொறுப்பேற்றபோது காங்கிரஸ் தலைவர் பதவியை ராஜினாமா செய்ய முற்பட்டதாகவும், ஆனால் கட்சித் தலைவர் மல்லிகார்ஜுன் கார்கே சிறது காலம் பதவியில் தொடருமாறு கேட்டுக்கொண்டதாகவும் டி.கே.சிவகுமார் தெரிவித்தார்.
