தமிழக ஆளுநர் ஆர்.என். ரவியை “பயங்கரவாதி” என்று அழைத்த தமிழக சட்டமன்ற சபாநாயகர் அப்பாவுக்கு பாஜக தேசிய பொதுக்குழு உறுப்பினர் அண்ணாமலை கடும் கண்டனம் தெரிவித்துள்ளார்.
இது குறித்து அவர் வெளியிட்டுள்ள எக்ஸ் பதிவில்,
தமிழக சட்டமன்ற சபாநாயகர் அப்பாவு, திமுக அரசின் கீழ் பயங்கரவாதம் தொடர்பான சம்பவங்கள் அதிகரித்து வருவதை எடுத்துக்காட்டியதற்கு தமிழக ஆளுநர் ஆர்.என். ரவியை “பயங்கரவாதி” என்று அழைக்கும் அளவுக்குக் கீழ்த்தரமாக நடந்து கொண்டுள்ளார் என்று அண்ணாமலை குறிப்பிட்டுள்ளார்.
2022 ஆம் ஆண்டு கோவையில் நடந்த கொடூரமான தற்கொலைக் குண்டுவெடிப்பை அப்பாவு மறந்துவிட்டாரா? பி.எஃப்.ஐ குண்டர்களால் பாஜக அலுவலகங்கள், பாஜக நிர்வாகிகளின் நிறுவனங்கள் மீது வீசப்பட்ட பெட்ரோல் குண்டுகளை அவர் மறந்துவிட்டாரா? கடந்த சில ஆண்டுகளில் தமிழ்நாட்டில் ஆழமாக வேரூன்றிய பயங்கரவாத அமைப்புகளை ஒடுக்குவது குறித்து என்.ஐ.ஏவின் செய்திக்குறிப்புகளை அவர் எப்போதாவது சரிபார்த்தாரா? என்று அண்ணாமலை கேள்வி எழுப்பி உள்ளார்.
எல்லாவற்றிற்கும் மேலாக, பாதுகாப்பான சூழலை உறுதி செய்ய அரசாங்கம் தவறியதால் தமிழக மக்கள் தொடர்ந்து துன்பப்படும் நிலையில், 1998 ஆம் ஆண்டு கோவை குண்டுவெடிப்புக்கு மூளையாக செயல்பட்ட பயங்கரவாதி பாஷாவின் இறுதி ஊர்வலத்திற்கு பலத்த போலீஸ் பாதுகாப்புடன் தியாகி போன்ற பிரியாவிடை அளிக்கப்பட்டது என்று அண்ணாமலை குறிப்பிட்டுள்ளார்.
