உலக மக்கள் தொகை 826 கோடி என மதிப்பிடப்பட்டுள்ள நிலையில் எந்த வயதினர் அதிகளவில் உள்ளனர் எனப் புள்ளி விவரம் வெளியாகி உள்ளது.
சைலன்ட் ஜெனரேஷன் என அழைக்கப்படும் 80 வயதுக்கு மேற்பட்டவர்கள் எண்ணிக்கை 16.7 கோடியாக உள்ளது. உலக மக்கள்தொகையில் இவர்கள் 2 % மட்டுமே உள்ளனர்.
61 முதல் 79 வயதுள்ள பேபி பூமர்கள் என்று அழைக்கப்படுபவர்களின் எண்ணிக்கை 110 கோடி எனத் தெரியவந்துள்ளது. மக்கள்தொகையில் இவர்கள் பங்கு 12.8% ஆக உள்ளது.
ஜெனரேஷன் எக்ஸ் என்றழைக்கப்படும் 45 முதல் 60 வயதுக்குட்பட்டவர்கள் 140 கோடி பேர் உள்ளனர்.
மக்கள்தொகையில் இவர்கள் 16.7% பங்கு வகிக்கின்றனர். 29 முதல் 44 வயதுக்குட்பட்ட மில்லினியல்ஸ் ஜென்ஒய் பிரிவினர் 170 கோடி பேர் உள்ளனர்.
இவ்வயது பிரிவினரின் பங்கு 21.2% ஆக உள்ளது. 13 முதல் 28 வயதுக்குள் உள்ள ஜெனரேஷன் இசட் பிரிவினர் எண்ணிக்கை 190 கோடியாக இருக்கிறது.
உலகளவில் 22.9% பேர் இவ்வயது பிரிவினராவர். 12 வயதுக்கு கீழான ஜெனரேஷன் ஆல்ஃபா வயது பிரிவினர் எண்ணிக்கை 200 கோடியாக உள்ளது. 24.4% பங்களிப்புடன் இவ்வயது பிரிவினர் உலகிலேயே அதிகளவு உள்ளனர்.
