பாஜகவின் தேசிய செயல் தலைவராக பொறுப்பேற்றுக் கொண்ட நிதின் நபினுக்கு மத்திய அமைச்சர்கள் அமித்ஷா, ஜெ.பி.நட்டா ஆகியோர் பூங்கொத்து கொடுத்து வாழ்த்து தெரிவித்தனர்.
பாஜகவின் தேசிய செயல் தலைவராக நிதின் நபினை பாஜக நாடாளுமன்ற குழு நியமித்தது. இந்நிலையில் அவர் செயல் தலைவராக பொறுப்பேற்க டெல்லியில் உள்ள பாஜக தலைமை அலுவலகத்திற்கு வருகை தந்தார்.
அப்போது அங்கு கூடியிருந்த பாஜக தொண்டர்கள் அவருக்கு உற்சாக வரவேற்பு அளித்தனர். இதனைத் தொடர்ந்து அங்குள்ள ஷியாமா பிரசாத் முகர்ஜி மற்றும் தீன் தயாள் உபாத்யாயா சிலைக்கு நிதின் நபின் மாலை அணிவித்து மரியாதை செலுத்தினார்.
இதனைத் தொடர்ந்து பாஜவின் செயல் தலைவராக நிதின் நபின் பொறுப்பு ஏற்றுக் கொண்டார். அவரை மத்திய அமைச்சர் ஜெ.பி.நட்டா நாற்காலியில் அமர வைத்தார். தொடர்ந்து நிதின் நபினுக்கு மத்திய அமைச்சர்கள் அமித் ஷா, ஜெ.பி.நட்டா உள்ளிட்டோர் பூங்கொத்து கொடுத்து வாழ்த்து தெரிவித்தனர்.
இதேபோல், பாஜகவின் தேசிய செயல் தலைவராக பொறுப்பேற்றுக் கொண்ட நிதின் நபினுக்கு, தமிழக பாஜக தலைவர் நயினார் நாகேந்திரனும் வாழ்த்து தெரிவித்தார்.
