பிரதமர் மோடிக்குக் கார் ஓட்டி சென்ற ஜோர்டான் மன்னரின் வீடியோ இணையத்தில் வைரலாகி வருகிறது.
பிரதமர் நரேந்திர மோடி ஜோர்டான், எத்தியோப்பியா, ஓமன் ஆகிய நாடுகளுக்குச் சுற்றுப்பயணம் மேற்கொண்டுள்ளார்.
முதல் கட்டமாகப் பிரதமர் மோடி ஜோர்டான் நாட்டுக்குப் புறப்பட்டுச் சென்றார். விமான நிலையத்தில் பிரதமர் மோடியை அந்நாட்டுப் பிரதமர் ஜாபர் ஹசன் வரவேற்றார். அங்கு அவருக்குச் சிவப்பு கம்பள வரவேற்பு அளிக்கப்பட்டது.
தொடர்ந்து பிரதமர் மோடிக்கு ராணுவ அணிவகுப்பு மரியாதையும் அளிக்கப்பட்டது. அதன்பின், ஜோர்டான் மன்னர் இரண்டாம் அப்துல்லா பின் அல் ஹுசைன் உடன் பிரதமர் மோடி பேச்சுவார்த்தை நடத்தினார்.
பின்னர், ஜோர்டான் நாட்டு மன்னர் இரண்டாம் அப்துல்லா பின் அல் ஹுசைன் பிரதமர் நரேந்திர மோடியைக் காரில் அருட்காட்சியகத்திற்கு அழைத்துச் சென்றார்.
அப்போது காரை ஜோர்டான் மன்னர் ஓட்டிச் சென்றார். இதுதொடர்பான வீடியோ, புகைப்படங்கள் இணையத்தில் வெளியாகி உள்ளன.
