பாஜக தேசிய தலைவர் பதவிக்கு நிதின் நபின் போட்டியின்றி தேர்வு செய்யப்படவுள்ளார்.
பாஜக புதிய தேசிய தலைவர் தேர்தலுக்கான அறிவிப்பை அண்மையில் பாஜக தலைமை வெளியிட்டது. அதன்படி ஜனவரி 19 ஆம் தேதி மதியம் 2 மணி முதல் மாலை 4 மணிக்குள் வேட்பு மனு தாக்கல் செய்யலாம் என தெரிவிக்கப்பட்டிருந்தது.
இந்நிலையில் அந்த பதவிக்கு, தற்போது பாஜக தேசிய செயல் தலைவராக பதவி வகிக்கும் நிதின் நபின் வேட்பு மனுத் தாக்கல் செய்தார். அதேபோல் பாஜகவைச் சேர்ந்த 37 பேர் நிதின் நபினுக்கு ஆதரவாக வேட்புமனு தாக்கல் செய்தனர்.
இதனால் அவர் பாஜக தேசிய தலைவராக போட்டியின்றி தேர்வு செய்யப்படவுள்ளார். தொடர்ந்து அவர், இன்று காலை பதவியேற்பார் என தகவல் வெளியாகியுள்ளது. டெல்லி பாஜக தலைமை இல்லத்தில் நடைபெறும் பதவி ஏற்பு விழாவில் பிரதமர் மோடி உள்ளிட்ட முக்கிய தலைவர்கள் பங்கேற்கின்றனர்.
