விவாத நிகழ்ச்சியில் இந்தி திணிப்பு தொடர்பாக பாஜக பிரதிநிதி எழுப்பிய கேள்விக்கு பதிலளிக்க முடியாமல் திமுக செய்தி தொடர்பாளர் சரவணன் கேலியாக சிரித்து அசிங்கப்பட்ட வீடியோ வைரலாகி வருகிறது
மத்திய பட்ஜெட் தொடர்பாக டைம்ஸ் நவ் ஆங்கில செய்தி ஊடகத்தில் விவாத நிகழ்ச்சி நடைபெற்றது.
இதில், திமுக செய்தி தொடர்பாளர் சரவணன் அண்ணாதுரை, பாஜக தேசிய செய்தி தொடர்பாளர் ஷேசாத் பூனாவாலா உள்ளிட்டோர் கலந்து கொண்டனர்.
அப்போது விவாத தலைப்புக்கு தொடர்பு இல்லாமல், இந்தி திணிப்பு குறித்து பராசக்தி படம் எடுக்கப்பட்டதாக சரவணன் தெரிவித்தார்.
குறுக்கிட்ட ஷேசாத் பூனவல்லா, இந்த போராட்டம் யார் ஆட்சிக்காலத்தில் நடந்தது என கேள்வி எழுப்பினார். அதற்கு காங்கிரஸ் என சரவணன் பதிலளித்த நிலையில் தற்போது நீங்கள் காங்கிரசுடன் தானே கூட்டணியில் வைத்துள்ளீர்கள் என ஷேசாத் பூனாவாலா கூறினார்.
இதைக்கேட்டதும், நெறியாளர் உட்பட அனைவரும் சிரித்தனர். அப்போது பதிலளிக்க முடியாமல் திணறிய சரவணன், மிமிக்ரி செய்வது போல கேலிச்சிரிப்பு சிரித்து நிலைமையை சமாளிக்க முயன்றனார்.
இந்த வீடியோ சமூக வலைதளங்களில் வைரலாகி வரும் நிலையில் திமுக செய்தி தொடர்பாளர் சரவணனை நெட்டிசன்கள் கிண்டல் செய்து வருகின்றனர்.
