படக்குழுவினருடன் ‘வித் லவ்’ படம் பார்த்த நடிகர் ரஜினிகாந்த்!

‘வித் லவ்’ திரைப்படத்தின் பிரத்யேகக் காட்சியை நடிகர் ரஜினிகாந்த் படக்குழுவினருடன் இணைந்து கண்டு களித்தார்.

ரஜினிகாந்தின் மகள் சௌந்தர்யா ரஜினிகாந்த் தயாரிப்பில் உருவாகியுள்ள ‘வித் லவ்’ திரைப்படத்தில் டூரிஸ்ட் ஃபேமிலி படத்தை இயக்கிய அபிஷன் ஜீவிந்த் கதாநாயகனாக அறிமுகமாகிறார். அவருக்கு ஜோடியாக அனஸ்வரா ராஜன் நடித்துள்ளார்.

இந்தப் படம் வரும் பிப்ரவரி 6 ஆம் தேதி வெளியாக உள்ள நிலையில், இதன் சிறப்புக் காட்சி சென்னையில் உள்ள சத்யம் திரையரங்கில் திரையிடப்பட்டது. இந்தப் படத்தை நடிகர் ரஜினகாந்த் படக்குழுவினருடன் கண்டு களித்தார்.

நடிகர்கள் சசிகுமார், விக்ரம் பிரபு, எஸ்.ஜே.சூர்யா, சமுத்திரக்கனி, நடிகைகள் சிம்ரன், ஸ்ருதிஹாசன் உள்ளிட்டோரும் சிறப்பு காட்சியை கண்டு ரசித்தனர்.