காங்கிரஸ் கட்சியின் மூத்த தலைவராக இருந்தாலும் ராகுல் காந்திக்கு அரசியல் அனுபவம் போதாது என் கேரள முதலமைச்சர் பினராயி விஜயன் விமர்சித்துள்ளார்.
இதுகுறித்து செய்தியாளர்களிடம் பேசிய அவர், ராகுல் காந்தி தேசிய கட்சியின் மூத்த தலைவராக இருந்தாலும், அவருக்கு அரசியல் அனுபவம் போதவில்லை என்றும் ஒரு மாநில தலைவருக்கு இருக்கும் புரிதல் கூட அவரிடம் இல்லை என்றும் கூறியுள்ளார்.
எதையும் தெளிவாக புரிந்து கொள்ள அவர் முயற்சிப்பதில்லை என குற்றஞ்சாட்டிய பினராயி விஜயன், அனுபவத்தில் இருந்தும் அவர் பாடம் கற்றுக் கொள்வதில்லை என்றார்.
இத்தகைய பண்புகள் ஒரு சிறந்த அரசியல் தலைவருக்கு அழகல்ல என்றும் காங்கிரசின் முக்கிய தலைவரிடம் இத்தனை குறைபாடுகள் இருப்பது கவலைக்குரியது என்றும் அவர் தெரிவித்தார்.
