திமுக கூட்டணியில் இடம்பெற்றுள்ள விடுதலை சிறுத்தைகள் கட்சி போட்டியிடும் 8 தொகுதிகள் அறிவிக்கப்பட்டுள்ளன.
அதன்படி காட்டுமன்னார்கோவில் , செய்யூர் , திருப்போரூர், அரக்கோணம் தொகுதிகளில் விசிக போட்டியிடுகிறது. திண்டிவனம், பெரியகுளம், கள்ளக்குறிச்சி, பண்ருட்டி ஆகிய தொகுதிகளிலும் விசிக போட்டியிடுவதாக அறிவிக்கப்பட்டுள்ளது.
தமிழக சட்டப்பேரவை தேர்தலில், திமுக கூட்டணியில் இடம்பெற்றுள்ள இந்திய கம்யூனிஸ்ட் கட்சிக்கு ஒதுக்கப்பட்டுள்ள 5 தொகுதிகள் குறித்த விவரங்கள் அறிவிக்கப்பட்டுள்ளன.
அதன்படி, தளி, திருத்துறைப்பூண்டி, ஸ்ரீவில்லிபுத்தூர், திருப்பூர் வடக்கு, பவானிசாகர் ஆகிய தொகுதிகளில் இந்திய கம்யூனிஸ்ட் கட்சி போட்டியிடும் என அறிவிக்கப்பட்டுள்ளது.
தமிழக சட்டப்பேரவை தேர்தலில், திமுக கூட்டணியில் இடம்பெற்றுள்ள மார்க்சிஸ்ட் கம்யூனிஸ்ட் கட்சிக்கு ஒதுக்கப்பட்டுள்ள 5 தொகுதிகள் குறித்த விவரங்கள் அறிவிக்கப்பட்டுள்ளன.
அதன்படி, கீழ்வேளூர், கந்தர்வக்கோட்டை, பத்மநாபபுரம், பழனி, திருவொற்றியூர் ஆகிய தொகுதிகளில் மார்க்சிஸ்ட் கம்யூனிஸ்ட் கட்சி போட்டியிடும் என அறிவிக்கப்பட்டுள்ளது.
தமிழக சட்டப்பேரவை தேர்தலில், திமுக கூட்டணியில் இடம்பெற்றுள்ள மதிமுக-வுக்கு ஒதுக்கப்பட்டுள்ள 4 தொகுதிகளில் போட்டியிடும் வேட்பாளர்கள் பட்டியல் அறிவிக்கப்பட்டுள்ளது.
அதன்படி, மதுரை தெற்கு தொகுதியில் பூமிநாதனும், மொடக்குறிச்சி தொகுதியில் செந்தில்நாதனும், கடையநல்லூர் தொகுதியில் ராஜேந்திரனும், சீர்காழி தொகுதியில் செந்தில் செல்வனும் போட்டியிடுகின்றனர்.
திமுக கூட்டணியில் கொங்குநாடு மக்கள் தேசிய கட்சி, மனிதநேய மக்கள் கட்சி உள்ளிட்டவை போட்டியிடும் தொகுதிகள் அறிவிக்கப்பட்டுள்ளன.
அதன்படி இந்திய யூனியன் முஸ்லிம் லீக் பாபநாசம் மற்றும் வாணியம்பாடி ஆகிய இரு தொகுதிகளில் போட்டியிடுகின்றன.
கொங்குநாடு மக்கள் தேசிய கட்சிக்கு ஒதுக்கப்பட்டுள்ள திருச்செங்கோடு தொகுதியில் ஈஸ்வரனும், பொள்ளாச்சி தொகுதியில் நித்தியானந்தனும் போட்டியிடுவார்கள் என அறிவிக்கப்பட்டுள்ளது.
மனிதநேய மக்கள் கட்சி, நாகை மற்றும் மணப்பாறை தொகுதிகளில் போட்டியிட உள்ளன.
கருணாஸின் முக்குலத்தோர் புலிப்படை சிவகங்கை தொகுதியில் உதயசூரியன் சின்னத்தில் போட்டியிடுகிறது.
மனிதநேய ஜனநாயக கட்சி சிதம்பரத்திலும், எஸ்டிபிஐ நன்னிலத்திலும், தமிழர் தேசம் கட்சி நத்தம் தொகுதியிலும் போட்டியிடுகின்றன.
