பெய்ஜிங் திரைப்பட விழாவில் மஞ்சள் நிற பிளாஸ்டிக் பையுடன் வந்தது குறித்த உண்மையை சீன நடிகை ஜாங் ஜிங்யி தெரிவித்துள்ளார்.
சீனாவின் பெய்ஜிங்கில் நடைபெற்ற சர்வதேச திரைப்பட விழா சிவப்பு கம்பள நிகழ்ச்சியில் நடிகை ஜாங் ஜிங்யி கலந்துகொண்டார்.
அப்போது அவர் கையில் வைத்திருந்த பிளாஸ்டிக் பை உலகம் முழுவதும் பெரும் கவனத்தை ஈர்த்தது.
ஆடம்பர பைகளுக்கு மத்தியில் சாதாரண பிளாஸ்டிக் பையை நடிகை கொண்டு வந்தது பேசுபொருளானது.
அந்தப் பை பாலென்சியாகா நிறுவனத்தின் புதிய தயாரிப்பு எனவும் அதன் விலை பல லட்சம் ரூபாய் எனவும் தகவல் பரவி வந்தது.
ஆனால் இந்த வதந்திகளுக்கு நடிகை ஜாங் ஜிங்யி முற்றுப்புள்ளி வைத்துள்ளார். இந்த மஞ்சள் நிற பையானது The One என்ற திரைப்படத்தில் பயன்படுத்தப்பட்ட ஒரு பிராபர்டி எனவும் படத்தில் செவித்திறன் குறைபாடுள்ள தனது பெற்றோருடன் அவர் தொடர்பு கொள்ளும் ஒரு முக்கிய அடையாளமாக பை சித்தரிக்கப்பட்டு உள்ளதாகவும் கூறியுள்ளார்.
