இந்திய மருத்துவ சேவையை அமெரிக்க பெண் வியந்து பாராட்டிய வீடியோ வைரலாகி வருகிறது.
அமெரிக்காவை சேர்ந்த லிஸ் என்பவர் தனது இன்ஸ்டாகிராம் பக்கத்தில் வீடியோ ஒன்றை வெளியிட்டுள்ளார்.
தொடக்கத்தில் இந்திய மருத்துவ சேவை மிகவும் எரிச்சலூட்டுகிறது என்று கூறி அனைவரையும் கவனிக்க வைத்து, அமெரிக்கா மற்றும் இந்தியாவில் உள்ள மருத்துவ கட்டமைப்புகளை ஒப்பிட்டு பேசினார்.
அமெரிக்காவில் ஒரு எளிய பரிசோதனை செய்ய வேண்டும் என்றாலும் பல கிளினிக்குகளைத் தொடர்பு கொண்டு, நீண்ட நாட்களுக்குப் பிறகுதான் Appointment கிடைக்கும் எனவும் ஆனால் இந்தியாவில், நேரடியாக மருத்துவமனைக்குச் சென்று அதே நாளில் மருத்துவரைச் சந்திக்க முடிகிறது எனவும் தெரிவித்தார்.
மேலும், சிகிச்சை மற்றும் பரிசோதனைகளுக்கான கட்டணம் அமெரிக்காவை விட மிகக் குறைவாக உள்ளது எனவும் பாராட்டியுள்ளார்.
இந்தியா ஏன் மக்களுக்கு வாழ்க்கையை இவ்வளவு எளிதாக்குகிறது? என்றும் அவர் தனது வீடியோவில் கிண்டலாக கேட்டுள்ளார்.
இந்த வீடியோ, இந்தியாவின் மருத்துவச் சேவை எவ்வளவு எளிதாகவும், மலிவாகவும் சாமானியர்களுக்குக் கிடைக்கிறது என்பதை உலகிற்கு பறைசாற்றுவதாக அமைந்துள்ளது.
