ஸ்மார்ட் சிட்டி திட்டப் பணிகளுக்கு திமுக அரசு ஸ்டிக்கர் ஒட்டி விளம்பரம் தேடி வருகிறது என தஞ்சாவூர் தொகுதி பாஜக வேட்பாளர் கருப்பு முருகானந்தம் விமர்சித்துள்ளார்.
தஞ்சாவூர் தொகுதியில் தேசிய ஜனநாயக கூட்டணி சார்பில் பாஜக வேட்பாளர் கருப்பு முருகானந்தம் போட்டியிடுகிறார். இந்நிலையில் தஞ்சாவூர் மீன் மார்க்கெட்டில் உள்ள வியாபாரிகள் மற்றும் பொதுமக்களிடம் துண்டு பிரசுரங்களை கொடுத்து கருப்பு முருகானந்தம் தீவிர வாக்கு சேகரிப்பில் ஈடுபட்டார்.
அப்போது புதிய மீன் மார்க்கெட் கட்டட பணிகள் மெதுவாக நடைபெறுவதாகவும், மாநகராட்சி கூடுதல் வாடகை கேட்பதாகவும் அவரிடம் வியாபாரிகள் தெரிவித்தனர். பின்னர் செய்தியாளர்களிடம் பேசிய கருப்பு முருகானந்தம், வெற்றி பெற்றவுடன் மீன் வியாபாரிகளின் கோரிக்கைகளை நிறைவேற்ற நடவடிக்கை எடுக்கப்படும் என தெரிவித்தார்.
