திமுகவில் வெற்றி பெற்ற அமைச்சர்கள் யார் என்பதை தற்போது பார்க்கலாம்..
சேப்பாக்கம்-திருவல்லிக்கேணி தொகுதியில் அமைச்சர் உதயநிதி ஸ்டாலின் தவெக வேட்பாளர் டி.செல்வத்தை விட கூடுதலாக 7140 வாக்குகள் பெற்று வெற்றி பெற்றார்.
துறைமுகம் தொகுதியில் திமுக வேட்பாளர் சேகர்பாபு 10,417 வாக்குகள் வித்தியாசத்தில் வெற்றி பெற்றுள்ளார். இரண்டாம் இடத்தில் தவெக வேட்பாளர் சினோரா அசோக் உள்ளார்.
திருச்சி மேற்கு தொகுதியில் திமுக அமைச்சர் கே.என். நேரு 4786 வாக்குகள் வித்தியாசத்தில் வெற்றி பெற்றுள்ளார்.
திமுக அமைச்சர் சிவசங்கர் குன்னம் தொகுதியில் அதிமுக வேட்பாளர் சரண்யாவை விட 15 ஆயிரம் வாக்குகள் வித்தியாசத்தில் வெற்றி பெற்றுள்ளார்.
திருவிடைமருதூர் தொகுதியில் அமைச்சர் கோவி.செழியன், கோவை தெற்கு தொகுதியில் முன்னாள் அமைச்சர் செந்தில் பாலாஜி 2184 வாக்குகள் வித்தியாசத்தில் வெற்றி பெற்றுள்ளார்.
திருமயம் தொகுதியில் அமைச்சர் ரகுபதி 1492 வாக்குகள் வித்தியாசத்திலும், திருவண்ணாமலையில் அமைச்சர் எ.வ.வேலு 2455 வாக்குகள் வித்தியாசத்திலும் வெற்றி பெற்றுள்ளனர்.
திருச்செந்தூரில் அமைச்சர் அனிதா ராதாகிருஷ்ணன் குறைவான வாக்கு வித்தியாசத்தில் வெற்றி பெற்றுள்ளனர்.
