தமிழ் திரையுலகில் “இயக்குநர் இமயம்” என்று போற்றப்படும் இயக்குநர் பாரதிராஜா உடல்நலக்குறைவு காரணமாக சென்னையில் காலமானார்.
தமிழ் சினிமாவில் புகழ்பெற்ற இயக்குநர்களில் ஒருவரான பாரதிராஜா 16 வயதினிலே என்ற படத்தின் மூலம் தமிழ் சினிமாவில் இயக்குநராக அறிமுகமானார்.
முதல் படத்திலேயே ரஜினிகாந்த், கமல்ஹாசன், ஸ்ரீதேவி உள்ளிட்ட முன்னணி நடிகர், நடிகைகளை வைத்து படம் இயக்கியவர் என்ற பெருமை பெற்ற பாரதிராஜாவின் மகனும் நடிகருமான மனோஜ் பாரதிராஜா கடந்தாண்டு திடீரென காலமானார்.
இதனை அடுத்து அடிக்கடி பாரதிராஜாவுக்கு உடல்நலக்குறைவு ஏற்பட்டது. மருத்துவமனையில் சிகிச்சை பெற்று வந்த பாரதிராஜா, வீட்டில் ஓய்வில் இருந்து வந்தார். இந்நிலையில், சென்னை நீலாங்கரையில் உள்ள அவரது இல்லத்தில் அதிகாலை உடல்நலக்குறைவால் காலமானார்.
தமிழ் திரையுலகில் “இயக்குநர் இமயம்” என்று போற்றப்படும் பாராதிராஜாவின் மறைவு திரையுலகை சோகத்தில் ஆழ்த்தி இருக்கிறது. அவரது மறைவுக்கு ரசிகர்கள், திரைப்பிரபலங்கள் இரங்கல் தெரிவித்து வருகின்றனர்.
