மறைந்த இயக்குநர் பாரதிராஜா உடலுக்கு முதலமைச்சர் ஜோசப் விஜய், திமுக தலைவர் மு.க.ஸ்டாலின் உள்ளிட்ட தலைவர்கள் நேரில் அஞ்சலி செலுத்தினர்.
சென்னை நீலாங்கரையில் உள்ள இல்லத்தில் உடல்நலக் குறைவால் இயக்குநர் பாரதிராஜா உயிரிழந்த நிலையில், அவரது உடலுக்கு முதலமைச்சர் ஜோசப் விஜய் மாலையணிவித்து மரியாதை செலுத்தினார்.
முன்னதாக இயக்குநர் பாரதிராஜா உடலுக்கு திமுக தலைவர் மு.க.ஸ்டாலின் மரியாதை செலுத்தியதுடன், சினிமா ரசிகர்களின் மனங்களிலும் தமிழ் மக்களின் மனங்களிலும் பாரதிராஜா என்றும் வாழ்வார் என எக்ஸ் பக்கத்தில் புகழாரம் சூட்டினார்.
இதேபோல நடிகர்கள் சிவகுமார், சூர்யா உள்ளிட்டோரும் மறைந்த இயக்குநர் பாரதிராஜா உடலுக்கு மாலையணிவித்து மரியாதை செலுத்தினர்.
மறைந்த இயக்குநர் பாரதிராஜா உடலுக்கு இசையமைப்பாளர் இளையராஜா மரியாதை செலுத்தியதுடன், அவர் உடனான தனது நட்பு மிகவும் ஆழமானது என குறிப்பிட்டார்.
