மீனவர்களுக்கு வழங்கப்படும் மானிய டீசல் விநியோகத்தில் முறைகேடு நடந்திருப்பது அமைச்சரின் ஆய்வில் கண்டறியப்பட்டுள்ளது.
மீன்பிடி தடைக்காலம் முடிந்து மீனவர்கள் கடலுக்கு சென்று வரும் சூழலில் மீன்வளத்துறை அமைச்சர் ஸ்ரீநாத் சென்னை ராயபுரம் பகுதியில் ஆய்வு மேற்கொண்டார்.
இந்த ஆய்வின் போது மீனவர்களுக்கான டீசல் மானிய அட்டைத் திட்டத்தின் மூலம் மானிய விலை டீசல் விநியோகம் செய்வதில் முறைகேடுகள் நடந்திருப்பது கண்டறியப்பட்டுள்ளது.
5 லிட்டருக்கு சுமார் 100 மில்லி டீசல் குறைவாக வழங்கப்படுவதாகக் கூறப்படுகிறது, இதனால் ஒவ்வொரு டீசல் நிலையத்திலும் நாளொன்றுக்கு தோராயமாக 2000 லிட்டர் டீசல் இழப்பு ஏற்படுவதாக மதிப்பிடப்பட்டுள்ளது.
தமிழ்நாடு முழுவதும் உள்ள சுமார் 37 டீசல் விற்பனை நிலையங்களில் இந்த முறைகேடு நடந்திருப்பதாகக் கூறப்படுகிறது. இதனைக் கண்டறிந்ததைத் தொடர்ந்து, முறைகேடு மற்றும் ஊழலுக்குக் காரணமானவர்கள் மீது கடுமையான சட்ட நடவடிக்கை எடுக்கப்படும் என அமைச்சர் ஸ்ரீநாத் உறுதியளித்துள்ளார்.
