2026 ஃபிஃபா உலகக்கோப்பை கால்பந்து போட்டியில் அர்ஜெண்டினாவை வீழ்த்தி ஸ்பெயின் சாம்பியன் பட்டம் வென்ற நிலையில் உலகம் முழுவதும் ரசிகர்கள் உற்சாக கொண்டாட்டத்தில் ஈடுபட்டனர்.
விறுவிறுப்பாக நடைபெற்ற உலகக்கோப்பை கால்பந்து இறுதிப்போட்டியில் வெற்றி பெற்ற ஸ்பெயின் அணியின் கேப்டன் ரோட்ரி கோல்டன் பால்-யிடம் அமெரிக்க அதிபர் டொனால்டு டிரம்ப் கோப்பையை வழங்கி கௌரவித்தார்.
கோப்பையை பெற்றுக்கொண்ட வீரர்கள் உற்சாக வெள்ளத்தில் திளைத்து மகிழ்ச்சியை வெளிப்படுத்தினர்..
உலகம் முழுவதும் ரசிகர்கள் ஸ்பெயின் வெற்றியை கொண்டாடி வருகின்றனர். அதன் ஒரு பகுதியாக இங்கிலாந்தின் லண்டன் நகரில் ஸ்பெயின் தேசிய கால்பந்து அணியின் ஆதரவாளர்கள் உற்சாகக் கொண்டாட்டத்தில் ஈடுபட்டனர். ஸ்பெயின் தேசியக் கொடிகளை ஏந்திய ரசிகர்கள் முழக்கங்களை எழுப்பியும், பாடல்கள் பாடியும் தங்களது மகிழ்ச்சியை வெளிப்படுத்தினர்.
தொடர்ந்து, அமெரிக்காவின் வாஷிங்டன் டி.சி. நகரில் ஸ்பெயின் தேசிய கால்பந்து அணியின் ஆதரவாளர்கள் உற்சாகக் கொண்டாட்டத்தில் ஈடுபட்டனர். வெற்றியைக் கொண்டாடிய ரசிகர்கள், ஸ்பெயின் தேசியக் கொடிகளை ஏந்தியும், முழக்கங்களை எழுப்பியும் மகிழ்ச்சியை வெளிப்படுத்தினர்.
உலக நாடுகள் மட்டுமல்லாமல் இந்தியாவின் பல்வேறு மாநிலங்களிலும் ஃபிஃபா வெற்றியை ரசிகர்கள் கொண்டாடினர். அந்த வகையில், டெல்லியில் 2026 ஃபிஃபா உலகக் கோப்பை இறுதிப் போட்டியின் நேரடி ஒளிபரப்பு நிகழ்வு நடத்தப்பட்டது.
இதில் ஏராளமான கால்பந்து ரசிகர்கள் பங்கேற்று போட்டியை உற்சாகமாகக் கண்டு ரசித்தனர். மேலும், உலகக் கோப்பை இறுதிப் போட்டியை முன்னிட்டு நடைபெற்ற இந்த நிகழ்வு ரசிகர்களிடையே கால்பந்து மீதான ஆர்வத்தை வெளிப்படுத்தும் வகையில் அமைந்தது.
மேற்கு வங்கத்தின் கொல்கத்தா நகரில் ஸ்பெயின் தேசிய கால்பந்து அணியின் ஆதரவாளர்கள் உற்சாகக் கொண்டாட்டத்தில் ஈடுபட்டனர். ஸ்பெயின் தேசியக் கொடிகளை ஏந்திய ரசிகர்கள், பட்டாசுகள் வெடித்தும் முழக்கங்களை எழுப்பியும் வெற்றியை கொண்டாடினர். மேலும், உலகக் கோப்பையை வென்ற ஸ்பெயின் அணிக்கு வாழ்த்துகளைத் தெரிவித்து தங்களது மகிழ்ச்சியை வெளிப்படுத்தினர்.
அதே போல், மகாராஷ்டிராவின் மும்பை நகரில் ஸ்பெயின் தேசிய கால்பந்து அணியின் ஆதரவாளர்கள் உற்சாகமாகக் கொண்டாடினர்.
அசாம் மாநிலம் குவஹாட்டியில் ஸ்பெயின் அணியின் வெற்றியை சிறுவர்கள், இளைஞர்கள் என ஏராளமானோர் ஆட்டம், பாட்டத்துடன் நடனமாடி கொண்டாடினர்.
இதேபோல் கர்நாடகாவின் பெங்களூருவில் ஸ்பெயின் நாட்டு தேசியக் கொடியை ஏந்திய ரசிகர்கள் முழக்கங்களை எழுப்பி உற்சாக வெள்ளத்தில் திளைத்தனர்.
