நடிகர் சரத்குமாருக்கு முதலமைச்சராவதற்கான அனைத்து தகுதிகளும் இருப்பதாக, பாஜக மாநில தலைவர் நயினார் நாகேந்திரன் தெரிவித்துள்ளார்.
நெல்லையில் நடைபெற்ற நடிகர் சரத்குமாரின் பிறந்தநாள் விழாவில் பேசிய பாஜக மாநில தலைவர் நயினார் நாகேந்திரன், சரத்குமார் எம்.ஜி.ஆரின் வள்ளல் குணத்தையும், சிவாஜி கணேசனின் நடிப்புத் திறனையும் கொண்டவர் என புகழாரம் சூட்டினார். மேலும், 7 லட்சம் ரூபாய் மதிப்புள்ள கைக்கடிகாரத்தைக் கூட கேட்டவருக்கு கழற்றி கொடுத்தவர் என்றும், முதலமைச்சராகும் அனைத்து தகுதிகளும் அவருக்கு உள்ளதாகவும் கூறினார்.
அதேபோல், காமராஜரை காங்கிரஸ் அவமானப்படுத்தியதாகவும், பிரதமர் நரேந்திர மோடி தமிழக வளர்ச்சிக்காக பல்வேறு திட்டங்களை செயல்படுத்தி வருவதாகவும் அவர் தெரிவித்தார்.
