நாகை அருகே சுமார் 270 கோடி ரூபாய் மதிப்பிலான 135 கிலோ மெத்தபெட்டமைன் போதைப்பொருள் பறிமுதல் செய்யப்பட்ட விவகாரத்தில், தவெக முன்னாள் நிர்வாகி உட்பட 4 பேரிடம் 2வது நாளாக தீவிர விசாரணை நடைபெற்று வருகிறது.
நாகையில் இருந்து இலங்கைக்கு மெத்தபெட்டமைன் போதைப்பொருள் கடத்தப்பட உள்ளதாக கிடைத்த தகவலின் அடிப்படையில், மத்திய வருவாய் புலனாய்வு இயக்குநரகத்தின் திருச்சி மண்டல அதிகாரிகள் சோதனை நடத்தினர். நாகை அருகே பிரதாபராமபுரம் நடுத்தெருவைச் சேர்ந்த சுகன் என்பவரது வீட்டில் நடத்திய சோதனையில், இலங்கைக்கு கடத்த முயன்றதாகக் கூறப்படும் 135 கிலோ மெத்தபெட்டமைன் கைப்பற்றப்பட்டது. இந்த விவகாரத்தில் தவெக முன்னாள் நிர்வாகி பூபாலனின் வீட்டில் சோதனை நடைபெற்றது.
வேளாங்கண்ணியில் தங்கும் விடுதி ஒன்றை ஒப்பந்த அடிப்படையில் சுகன் நடத்தி வருவதும், பூபாலனின் மனைவி இலங்கையைச் சேர்ந்தவர் என்பதும் விசாரணையில் தெரியவந்ததாகக் கூறப்படுகிறது.
இதைத்தொடர்ந்து பூபாலன், சுகன், சதீஷ்குமார், மணிகண்டன் ஆகிய நான்கு பேரை கைது செய்த அதிகாரிகள், கடத்தலுக்கு பயன்படுத்தப்பட்டதாகக் கூறப்படும் சதீஷ்குமாரின் வீட்டிலிருந்த கார் மற்றும் இருசக்கர வாகனத்தை பறிமுதல் செய்தனர்.
பூபாலன் உட்பட 4 பேரிடம் மத்திய வருவாய் புலனாய்வு இயக்குநரக அதிகாரிகள், நாகையில் உள்ள சுங்கத்துறை அலுவலகத்தில் 2வது நாளாக தீவிர விசாரணை நடத்தி வருகின்றனர். விசாரணை முடிந்ததும் தஞ்சையில் உள்ள போதைப்பொருள் தடுப்பு சிறப்பு நீதிமன்றத்தில் ஆஜர்பஅதிகாரிகள் திட்டமிட்டுள்ளனர்.
