தாராபுரத்தில் நாம் தமிழர் கட்சி வேட்பாளர் கார்த்திகா, அவரது கணவர் உட்பட 10-க்கும் மேற்பட்டோரை போலீசார் கைது செய்தனர்.
திருப்பூர் மாவட்டம், தாராபுரம் தேர்தல் பணிமனை முன்பு கடந்த 2ஆம் தேதி பேனர் வைப்பது தொடர்பாக ஏற்பட்ட தகராறில், போலீசாருக்கும் நாம் தமிழர் கட்சியினருக்கும் இடையே வாக்குவாதம் ஏற்பட்டது. இதனைக் கண்டித்து கட்சியினர் காவல் நிலையத்தை முற்றுகையிட்டு சாலை மறியலில் ஈடுபட்டனர்.
இதனை தொடர்ந்து, கடந்த 4-ம் தேதி முதலமைச்சர் விஜய்யின் ரோடு ஷோவின்போது பிரச்சாரம் செய்வது தொடர்பாகவும் போலீசாருக்கும் நாதகவினருக்கும் இடையே மோதல் ஏற்பட்டது.
அப்போது, வேட்பாளர் உள்ளிட்ட 100-க்கும் மேற்பட்டோர் கைது செய்யப்பட்டு, பின்னர் விடுவிக்கப்பட்டனர். இந்நிலையில், இந்தச் சம்பவங்கள் தொடர்பாக நாதக வேட்பாளர் கார்த்திகா, அவரது கணவர் உள்ளிட்டோரை கைது செய்துள்ளனர். மேலும், சம்பவங்களின்போது எடுக்கப்பட்ட வீடியோ காட்சிகளின் அடிப்படையில் ரகசிய இடத்தில் வைத்து விசாரணை நடத்தி வருகின்றனர்.
