தூத்துக்குடி மாவட்டம், குலசேகரப்பட்டினம் முத்தாரம்மன் கோயில் தசரா திருவிழாவின் ஒன்பதாம் நாள் உற்சவத்தில் கலைமகள் திருக்கோலத்தில் அன்ன வாகனத்தில் அம்பாள் எழுந்தருளி வீதி உலா வந்து பக்தர்களுக்கு அருள்பாலித்தார்.
முத்தராம்மன் கோயில் தசரா திருவிழா கடந்த 11ஆம் தேதி கோலாகலமாக தொடங்கியது. நாள்தோறும் அம்பாள் பல்வேறு வாகனங்களில் எழுந்தருளி வீதிஉலா வந்த பக்தர்களுக்கு அருள்பாலித்து வருகிறார்.
அந்த வகையில், தசரா திருவிழாவின் 9ஆம் நாள் உற்சவத்தில் அம்மனுக்கு பால், மஞ்சள், சந்தனம், குங்குமம், பஞ்சாமிர்தம் உள்ளிட்ட பல்வேறு பொருட்களால் சிறப்பு அபிஷேகம் செய்யப்பட்டு, மகா தீபாராதனை காண்பிக்கப்பட்டது.
இதனை தொடர்ந்து, அம்பாள் கலைமகள் திருக்கோலத்தில் அன்ன வாகனத்தில் ழுந்தருளி வீதி உலா வந்து பக்தர்களுக்கு அருள்பாலித்தார். இதில் ஏராளமான பக்தர்கள் பங்கேற்று சுவாமி தரிசனம் செய்தனர்.
