காவலர் வீர வணக்க நாளையொட்டி, சென்னை மயிலாப்பூரில் உள்ள காவலர் நினைவுச் சின்னத்தில் முதலமைச்சர் ஜோசப் விஜய் மலர் வளையம் வைத்து மரியாதை செலுத்தினார்.
1959-ம் ஆண்டு லடாக் பகுதியில் இந்திய எல்லையைப் பாதுகாக்கும் பணியின்போது உயிரிழந்த 10 மத்திய ரிசர்வ் காவல் படை வீரர்களின் தியாகத்தை நினைவுகூரும் வகையில், ஆண்டுதோறும் அக்டோபர் 21-ம் தேதி காவலர் வீர வணக்க நாள் கடைப்பிடிக்கப்படுகிறது.
அதன்படி, சென்னை மயிலாப்பூரில் உள்ள காவலர் நினைவுச் சின்னத்தில் முதலமைச்சர் ஜோசப் விஜய் கருப்புப் பட்டை அணிந்து மலர் வளையம் வைத்து மரியாதை செலுத்தினார்.
தொடர்ந்து, நினைவுச் சின்ன வளாகத்தில் மரக்கன்றும் நட்டார். இந்நிகழ்ச்சியில் டிஜிபி மகேஷ் குமார் அகர்வால், சென்னை காவல் ஆணையர் அமல்ராஜ் உள்ளிட்ட உயர் அதிகாரிகள் பங்கேற்றனர்.
இதனை தொடர்ந்து, பணியின்போது உயிரிழந்த 6 காவலர்களின் குடும்பங்கள் மற்றும் கோமா நிலையில் உள்ள ஒரு காவலரின் குடும்பம் என 7 குடும்பங்களுக்கு, வங்கிகள் மூலம் மொத்தம் 5 கோடியே 96 லட்சம் ரூபாய்க்கான விபத்துக் காப்பீட்டுத் தொகைக்கான கோப்புகளை முதலமைச்சர் விஜய் வழங்கினார்.
