திருமணத்திற்காக மட்டுமே மதம் மாறுவதை அனுமதிக்க முடியாது என மும்பை உயர்நீதிமன்றம் திட்டவட்டமாக தெரிவித்துள்ளது.
மகாராஷ்டிரா மாநிலத்தில் சமீபத்தில் மத சுதந்திர சட்டம் நடைமுறைக்கு வந்தது…அதன்படி, கட்டாயப்படுத்துதல், மோசடி, வற்புறுத்தல், துாண்டுதல், தவறான சித்தரிப்பு, திருமணம் ஆகியவற்றின் மூலம் மேற்கொள்ளப்படும் மதமாற்றங்கள் குற்றமாக கருதப்படுகிறது.
இந்த சட்டத்தை எதிர்த்து புனேவை சேர்ந்த இஸ்லாமிய மத போதகர் ஒருவர், மும்பை உயர்நீதிமன்றத்தில் தாக்கல் செய்த மனு விசாரணைக்கு வந்தது.
அப்போது ஆஜரான மனுதாரர் தரப்பு வழக்கறிஞர், அரசியலமைப்பின் 25வது பிரிவின் கீழ் வழங்கப்பட்டுள்ள மதத்தை பரப்புவதற்கான சுதந்திரத்தை இச்சட்டம் கட்டுப்படுத்துவதாக வாதிட்டார்.
குறுக்கிட்ட நீதிபதிகள், மதச்சார்பற்ற தன்மையை பாதுகாக்கவும், கட்டாயப்படுத்துதல் மூலம் மேற்கொள்ளப்படும் மதமாற்றங்களை தடுக்கவும் இந்தச் சட்டம் கொண்டு வரப்பட்டதாக கூறினார்.
பொதுமக்கள் தங்கள் மதத்தை மாற்றிக்கொள்ள முழு சுதந்திரம் உண்டு; ஆனால், திருமணத்திற்காக மட்டுமே மதம் மாறுவதை அனுமதிக்க முடியாது எனவும் நீதிபதிகள் திட்டவட்டமாக குறிப்பிட்டனர்…
