ஜி-20 மாநாடு நடைபெறுவதையொட்டி டெல்லி பள்ளி, கல்லூரிகளுக்கு விடுமுறை அளிக்கப்பட்டுள்ளது.
இந்தியா தலைமையேற்று நடத்தும், ஜி-20 உச்சி மாநாட்டின் முதன்மை அமர்வு கூட்டம் வருகிற செப்டம்பர் 9,10 ஆகிய தேதிகளில் டெல்லியில் நடைபெறவுள்ளது.
இந்த மாநாட்டில் கலந்து கொள்ள உலகம் முழுவதும் இருந்து ஏராளமான தலைவர்கள், பிரதிநிதிகள் டெல்லிக்கு வரவுள்ளனர். இதனால், தலைநகர் விழாக் கோலம் பூண்டுள்ளது. டெல்லி முழுவதுமே பாதுகாப்பு படையினரின் கட்டுப்பாட்டுக்குள் கொண்டு வரப்பட்டுள்ளது.
இந்நிலையில், டெல்லியில் ஜி-20 மாநாடு நடைபெறுவதையொட்டி செப்டம்பர் 8-ந் தேதி முதல் செப்டம்பர் 10-ந் தேதி வரை பள்ளி, கல்லூரிகள் மற்றும் அரசு அலுவலர்களுக்கு விடுமுறை அளித்துள்ளதாக டெல்லி பொதுப்பணித்துறை அமைச்சர் அதிஷி(atishi) தெரிவித்துள்ளார்.
ஜி20 மாநாட்டுக்குக் கல்வித்துறை ஊழியர்களின் உதவி தேவைப்படும் பட்சத்தில், அவர்கள் டெல்லியிலேயே தங்கியிருக்கக் கேட்டுக் கொள்ளப்பட்டுள்ளனர். கூடுதலாக, அனைத்து ஊழியர்களும் தொலைப்பேசி மூலம் அணுகப்பட வேண்டும் என்றும், அவர்களின் சேவைகள் தேவைப்படலாம் என்பதால், இந்த காலகட்டத்தில் வெளியூர்களுக்குச் செல்ல கூடாது என்றும் டெல்லி அரசு வெளியிட்டுள்ள சுற்றறிக்கையில் கூறப்பட்டுள்ளது.
