ஆசிய கிரிக்கெட் கோப்பைக்கான போட்டியில் வருகின்ற செப்டம்பர் இரண்டாம் தேதி இந்தியா, பாகிஸ்தான் அணிகள் மோதுகின்றன என்றும் ஆசிய கோப்பை கிரிக்கெட் ஆகஸ்ட் 30 முதல் 17 வரை நடைபெற உள்ளது என ஆசிய கிரிக்கெட் கவுன்சில் (ஏசிசி) தெரிவித்துள்ளது.
ஆசிய கோப்பை கிரிக்கெட் தொடர் வரும் ஆகஸ்ட் 30 முதல் செப்டம்பர் 17 வரை பாகிஸ்தான் மற்றும் இலங்கையில் நடைபெறும் என ஆசிய கிரிக்கெட் கவுன்சில் (ஏசிசி) நேற்று அதிகாரப்பூர்வமாக அறிவித்தது. பாகிஸ்தானில் உள்ள முல்தான் என்ற இடத்தில் ஆகஸ்ட் 30 ஆம் தேதி முதல் ஆட்டமாக பாகிஸ்தான், நேபால் அணிகள் மோதுகின்றன. இந்திய அணி பங்கேற்காத 4 போட்டிகள் பாகிஸ்தானில் நடைபெறுகிறது.
இந்திய அணியின் பாதுகாப்பு காரணமாக ஹைபிரிட் மாடலில் தொடரை நடத்தும் திட்டம் முன்வைக்கப்பட்டது. இதை ஜெய்ஷா தலைமையிலான ஆசிய கிரிக்கெட் கவுன்சில் ஏற்றுக்கொண்டுள்ளது. இதன்படி, மீதம் உள்ள 9 போட்டிகள் இலங்கையில் நடத்தப்படுகிறது. இதில் பங்கேற்றுள்ள 6 அணிகளும் இரு பிரிவுகளாக பிரிக்கப்பட்டுள்ளன.
இந்தியா, பாகிஸ்தான், நேபாளம் ஆகிய அணிகள் ஒரே பிரிவிலும், மற்றொரு பிரிவில் இலங்கை, வங்கதேசம், ஆப்கானிஸ்தான் இடம் பெற்றுள்ளது.
செப்டம்பர் 2ஆம் தேதி சனிக்கிழமை இலங்கையில் உள்ள கண்டியில் இந்தியா & பாகிஸ்தான் அணிகள் மோதுகின்றன.
லீக் சுற்றின் முடிவில் இரு பிரிவிலும் முதல் இரு இடங்களை பிடிக்கும் தலா இரு அணிகள் சூப்பர் 4 சுற்றுக்கு முன்னேறும். இந்த சுற்றில் முதல் இரு இடங்களை பிடிக்கும் அணிகள் இறுதிப் போட்டியில் பலப்பரீட்சை நடத்தும்.
பாகிஸ்தான் அணிகள் பங்கேற்கும் போட்டிகள், பாகிஸ்தானில் லாகூரிலும்,
மற்ற நாடுகளின் போட்டிகள் இலங்கையில் கண்டி மற்றும் பல்லேகலேவிலும் நடைபெறுகின்றன.
