இந்தியாவுக்கு எதிரான ஒருநாள் கிரிக்கெட் தொடரில் விளையாடும் வெஸ்ட் இண்டீஸ் அணி அறிவிக்கப்பட்டுள்ளது. இந்த தொடரில் வெஸ்ட் இண்டீஸ் கேப்டனாக ஷாய் ஹோப் விளையாடுவார் என்று அறிவிக்கப்பட்டது.
முதல் டெஸ்டில் இந்திய அணி வெற்றி பெற்ற நிலையில், 2 ஆவது டெஸ்ட் போட்டியானது மழையின் காரணமாக டிராவில் முடிந்ததாக அறிவிக்கப்பட்டது. இதன் மூலம் 2 போட்டிகள் கொண்ட தொடரை 2-1 என்ற கணக்கில் இந்திய அணி கைப்பற்றியது. இதையடுத்து 3 போட்டிகள் கொண்ட ஒருநாள் கிரிக்கெட் தொடர் நாளை மறுநாள் தொடங்கவுள்ளது. இதையடுத்து 15 வீரர்களைக் கொண்ட வெஸ்ட் இண்டீஸ் அணி அறிவிக்கப்பட்டுள்ளது.
இதில் ஐபிஎல் கிரிக்கெட் தொடரில் சிறப்பாக விளையாடிய ஷிம்ரோன் ஹெட்மேயர் அணியில் சேர்வதாக அறிவிக்கப்பட்டது. ஆல் ரவுண்டர் ஜேசன் ஹோல்டர், நிகோலஸ் பூரன் ஆகியோர் அணியில் இடம்பெறவில்லை.
ஷாய் ஹோப் கேப்டனாகவும், ரோமன் பவெல் துணை கேப்டனாகவும் நியமிக்கப்பட்டுள்ளனர். ஷாய் ஹோப், ரோமன் பவெல், அலிக் அதான்சே, யன்னிக் கேரியாக், கீசி கேர்ட்டி, டொமினிக் டிராக்ஸ், ஷிம்ரோன் ஹெட்மேயர், அல்சாரி ஜோசப், பிரான்டன் கிங், கைல் மேயர்ஸ், குடகேஷ் மோட்டி, ஜெய்டன் சீல்ஸ், ரொமாரியே ஷெபர்ட், கெவின் சின்க்ளெய்ர், ஓஷானே தாமஸ் ஆகியோர் அணியில் இடம்பெற்றுள்ளனர்.