குற்ற விசாரணையில் சிறப்பான விசாரணை புரிந்த காவல்துறை அதிகாரிகளுக்கான மத்திய உள்துறை அமைச்சரின் விருது அறிவிக்கப்பட்டுள்ளது. தமிழ் நாடு ,ஆந்திர , அசாம் , பீகார் , சட்டிஸ்கர்க் , குஜராத், ஹரியானா , ஜார்க்கண்ட் , கர்நாடக , கேரளா , மத்திய பிரதேசம் , மணிப்பூர் உள்ளிட்ட 31 மாநிலங்களில் குற்ற விசாரணையில் சிறப்பாக பணிபுரிந்த காவல்துறை அதிகாரிகளின் பெயர் பட்டியல் வெளியிடப்பட்டது.
இதில், தமிழகத்தைச் சேர்ந்த 8 காவல்அதிகாரிகள் உள்துறை அமைச்சக விருதுக்குத் தேர்வு செய்யப்பட்டுள்ளனர். ஏசிபி ஜான் விக்டர், ஏஎஸ்பி பொன் கார்த்திக் குமார், ஆய்வாளர்கள் ரம்யா, ரவிக்குமார், விஜயா, வனிதா, சரஸ்வதி மற்றும் கோபாலகிருஷ்ணன் ஆகியோருக்கு விருது அறிவிக்கப்பட்டுள்ளது.
