கடந்த 9 ஆண்டுகளில் 389 வெளிநாட்டு செயற்கைக்கோள்கள் விண்ணில் செலுத்தப்பட்டு 3,300 கோடி ரூபாய் வருவாய் கிடைத்துள்ளதாக இந்திய விண்வெளி ஆராய்ச்சி நிறுவனம் தெரிவித்துள்ளது.
சந்திரயான்-3 நிலவின் மேற்பரப்பில் வெற்றிகரமாகத் தரையிறங்கியதால், இந்திய விண்வெளி வரலாற்றில், இந்திய விண்வெளி ஆராய்ச்சி நிறுவனம் மிக முக்கியமான மைல்கல்களில் ஒன்றை படைத்துள்ளது.
இதுமட்டுமின்றி, மேலும் ஒரு சாதனையை இஸ்ரோ சத்தமின்றி படைத்துள்ளது. அதாவது, இந்தியா சார்பில் இதுவரை மொத்தம் 424 வெளிநாட்டு செயற்கைக்கோள்கள் வெற்றிகரமாக விண்ணில் செலுத்தப்பட்டுள்ளது. இந்த 424 இல் 389 செயற்கைக்கோள்கள் கடந்த ஒன்பது ஆண்டுகளில் விண்ணில் செலுத்தப்பட்டவையாகும். இதன் மூலம் 3,300 கோடி ரூபாய் அரசுக்கு வருமானம் கிடைத்துள்ளது.
9 Years of India's Unforgettable Space Achievements, with the excitement of the launch of Chandrayaan 3's mission adding a new dimension to the journey 🌌🛰️Read this thread to explore India's space wonders. #ISRO #Chandrayaan3 #Space #BestWishesChandrayaan3 pic.twitter.com/SZTUaNrBvu
— MyGovIndia (@mygovindia) August 23, 2023
கடந்த 9 ஆண்டுகளில் ஏவப்பட்ட இந்த 389 செயற்கைக்கோள்களும் பி.எஸ்.எல்.வி -சி3யை பயன்படுத்தி ஒரே முயற்சியில் 104 செயற்கை கோள்களை விண்ணில் செலுத்தி சாதனை படைத்துள்ளது. இந்த 104 -ல் 101 செயற்கைக்கோள்கள் வெளிநாடுகளைச் சேர்ந்தவையாகும்.
கடந்த 9 ஆண்டுகளில் இஸ்ரோவின் வெற்றி, நாட்டில் உள்ள பல விண்வெளி ஆர்வலர்களுக்கு விண்வெளி தொழில்நுட்பம் தொடர்பான ஆர்வங்களை அதிகரிக்க வைத்துள்ளது. குறிப்பாக, விண்வெளி ஆராய்ச்சியாக இளம் விஞ்ஞானிகளைத் தயார் படுத்தும் வகையிலும், புதிய தலைமுறையினர் மத்தியில் மறைந்திருக்கும் திறமைகளை வெளிகொண்டு வரும் வகையிலும் திட்டம் ஒன்றை மத்திய அரசு வடிவமைத்திருந்தது.
இதன் மூலம், கடந்த 3 ஆண்டுகளில் மட்டும், 600-க்கும் மேற்பட்ட மாணவர்கள் இந்தப் பயிற்சி திட்டத்தில் கலந்து கொண்டு பயனடைந்துள்ளனர். இதற்கான பயிலரங்குகள் திருவனந்தபுரம், ஜம்மு மற்றும் அகர்தலாவில் நடைபெற்றது. இப்படி, இந்திய விண்வெளிதுறையில் இந்திய அரசு மகத்தான சாதனை படைத்து வருகிறது.
இந்த நிலையில், இந்த 9 ஆண்டுகள் “இந்தியாவின் மறக்க முடியாத விண்வெளி சாதனைகள்” என்றும், இது பிரதமர் மோடியின் தலைமையிலான பா.ஜ.க அரசின் மாபெறும் வெற்றிக்கு அத்சாட்சி என்றும் பல்வேறு தரப்பு நிபுணர்கள் பாராட்டு தெரிவித்து வருகின்றனர்.
