இராஜஸ்தானின் பரத்பூரில் ஏற்பட்ட சாலை விபத்தில் உயிரிழந்தவர்களுக்குப் பிரதமர் நரேந்திர மோடி இரங்கல் தெரிவித்துள்ளார். உயிரிழந்தவர்களின் குடும்பங்களுக்குத் தலா ரூ.2 லட்சமும், காயமடைந்தவர்களுக்குத் தலா ரூ.50 ஆயிரமும் வழங்கப்படும் என பிரதமர் அறிவித்துள்ளார்.
இராஜஸ்தானின் பாரத்பூர் மாவட்டத்தில் இன்று ஜெய்ப்பூர்-ஆக்ரா நெடுஞ்சாலையில் நின்று கொண்டிருந்த பேருந்து மீது டிரெய்லர் மோதியதில் 11 பேர் உயிரிழந்தனர் மற்றும் 15 பேர் காயமடைந்து சிகிச்சை பெற்றுவருகின்றனர்.
The Prime Minister has approved an ex-gratia of Rs. 2 lakh each from PMNRF for the next of kin of those who have lost their lives due to the mishap in Bharatpur. The injured would be given Rs. 50,000 each.
— PMO India (@PMOIndia) September 13, 2023
இது குறித்து எக்ஸ் பதிவில் பிரதமர் அலுவலகம் கூறியிருப்பதாவது,
“இராஜஸ்தானின் பரத்பூரில் ஏற்பட்ட சாலை விபத்து மிகவும் வருத்தமளிக்கிறது. குஜராத்திலிருந்து புனித யாத்திரை சென்று உயிரிழந்த பக்தர்களின் குடும்பத்தினருக்கு எனது இரங்கலைத் தெரிவித்துக் கொள்கிறேன். மேலும், காயமடைந்தவர்கள் அனைவரும் விரைவில் குணமடைய பிரார்த்திக்கிறேன்.”
“பரத்பூரில் ஏற்பட்ட விபத்தில் உயிரிழந்தவர்களின் குடும்பத்தினருக்குப் பிரதமரின் தேசிய நிவாரண நிதியிலிருந்து தலா ரூ.2 லட்சம் நிவாரணம் வழங்கப் பிரதமர் ஒப்புதல் அளித்துள்ளார். காயமடைந்தவர்களுக்குத் தலா ரூ.50,000 வழங்கப்படும் எனத் தெரவித்துள்ளார்.
