ஆஸ்திரேலியத் தொடரில் கூட இடம் கிடைக்காத ஏமாற்றத்தில் சாம்சன் போட்ட பதிவால் இரசிகர்கள் சோகம்.
பரபரப்பாக நடைபெற்ற ஆசியக் கோப்பை 2023 கிரிக்கெட் தொடரின் சாம்பியன் பட்டத்தை வென்ற இந்தியா விரைவில் சொந்த மண்ணில் நடைபெறும் 2023 ஐசிசி உலகக் கோப்பையில் ஆசியச் சாம்பியனாக களமிறங்க உள்ளது.
அதற்கு முன்பாக உலகக் கோப்பைக்கு இறுதிக்கட்டமாக தயாராகும் வகையில் வலுவான ஆஸ்திரேலியாவுக்கு எதிராக நடைபெறும் 3 போட்டிகள் கொண்ட ஒருநாள் தொடருக்கான இந்திய அணி நேற்று அறிவிக்கப்பட்டுள்ளது.
அதில் தமிழகத்தைச் சேர்ந்த வாஷிங்டன் சுந்தர் மற்றும் ரவிச்சந்திரன் அஸ்வின் ஆகியோர் தேர்வு செய்யப்பட்டுள்ளார். ஆனால் இந்த தொடரில் கூட கேரளாவைச் சேர்ந்த நட்சத்திர வீரர் சஞ்சு சாம்சனுக்கு வாய்ப்பு கிடைக்காதது நிறைய இரசிகர்களுக்கு ஏமாற்றத்தை கொடுத்துள்ளது.
கடந்த 2015ஆம் ஆண்டு சர்வதேச கிரிக்கெட்டில் அறிமுகமான அவர் தம்முடைய 2வது போட்டியை 4 வருடங்கள் கழித்து 2019-யில் தான் விளையாடினர். இருப்பினும் மனம் தளராமல் ஐபிஎல் தொடரில் போராடி வந்த அவர் கடந்த 2022இல் பெற்ற வாய்ப்புகளில் முதல் முறையாக அரை சதமடித்து ஆட்டநாயகன் விருது வென்று தொடர்வாய்ப்புகளை கொடுத்தால் அசத்துவேன் என்பதை நிரூபித்தார்.
ஆனால் சமீபத்தில் நடந்து முடிந்த ஆசியக் கோப்பைத் தொடரிலும் அவர் தேர்வாகவில்லை. அதனால் உலகக்கோப்பையில் தான் வாய்ப்பு கிடைக்கவில்லை, இந்த ஆஸ்திரேலியா தொடரிலாவது வாய்ப்பு கிடைக்கும் என்று காத்திருந்த சஞ்சு சாம்சன் ஏமாற்றமடைந்து தற்போது முகநூல் பக்கத்தில் சிரித்த முகத்தை பிரதிபலிக்கும் ஒரே ஒரு ஸ்மைலியை பதிவிட்டுள்ளார்.
அதை பார்க்கும் ரசிகர்கள் அதன் பின் ஏராளமான வேதனையும் வலியும் வார்த்தைகளும் இருந்தும் எதாவது பேசினால் அரைகுறை வாய்ப்புகளும் கிடைக்காமல் போய்விடும் என்ற அர்த்தத்தில் நீங்கள் இப்படி பதிவிட்டுள்ளதை புரிந்து கொள்ள முடிவதாக சோகத்தை வெளிப்படுத்துகின்றனர்.
