சூரியன் ஆய்வு செய்வதற்காக ஆதித்யா எல்-1 விண்கலம் பூமியின் ஈர்ப்பு மண்டலத்தை கடந்து 9.2 லட்சம் கிலோமீட்டரை கடந்து லாக்ரேஞ்ச் எல் 1 புள்ளியை நோக்கி பயணித்து வருகிறது என இஸ்ரோ தெரிவித்துள்ளது.
ஆதித்யா எல்-1 விண்கலம் கடந்த 2ம் தேதி காலை 11.50 மணிக்கு ஆந்திர மாநிலம் ஸ்ரீஹரிகோட்டாவில் உள்ள சதீஷ் தவான் ஏவுதளத்தில் இருந்து பிஎஸ்எல்வி-சி57 ராக்கெட் மூலம் விண்ணில் வெற்றிகரகமாக செத்தப்பட்டது.
Aditya-L1 Mission:
🔸The spacecraft has travelled beyond a distance of 9.2 lakh kilometres from Earth, successfully escaping the sphere of Earth's influence. It is now navigating its path towards the Sun-Earth Lagrange Point 1 (L1).
🔸This is the second time in succession that…
— ISRO (@isro) September 30, 2023
அடுத்த ஒரு மணிநேரத்துக்குள் பிஎஸ்எல்வி – சி57 ராக்கெட்டில் இருந்து ஆதித்யா எல்-1 விண்கலம் தனியாக பிரிக்கப்பட்டு பூமியின் சுற்றுவட்டபாதையில் வெற்றிகரமாக நிலைநிறுத்தப்பட்டது.
இந்த விண்கலம் பூமியில் இருந்து 15 லட்சம் கிலோமீட்டர் தொலைவில் லாக்ரேஞ்ச் பாயிண்ட் 1 புள்ளியில் சூரியனை நோக்கி நிலைநிறுத்தப்படவேண்டும். இதற்காக விண்கலத்தின் புவி சுற்றுவட்டப்பாதை படிப்படியாக 5 நிலைகளில் உயர்த்தப்பட்டது.
இந்நிலையில் ஆதித்யா எல்-1 விண்கலம் குறித்த இஸ்ரோ தனது எக்ஸ் பக்கத்தில், ‛‛பூமியில் இருந்து ஆதித்யா எல்-1 விண்கலம் 9.2 கிலோமீட்டர் தொலைவை வெற்றிகரமாக கடந்துள்ளது.
பூமியின் ஈர்ப்பு மண்டல பகுதியை விட்டு வெளியேறியுள்ள ஆதித்யா எல்-1 விண்கலம் பூமிக்கும், சூரியனுக்கும் இடையே உள்ள லாக்ரேஞ்ச் எல்1 புள்ளியை நோக்கி பயணித்து வருகிறது. பூமியின் ஈர்ப்பு மண்டல பகுதியை இஸ்ரோவின் ஆய்வுக்கலம் தாண்டுவது இது முதல் முறையல்ல. இதற்கு முன்பு செவ்வாய் கோள் ஆய்வுக்கான ஆர்பிட்டர் பூமியின் ஈர்ப்பு மண்டலத்தை கடந்து சென்றிருந்தது” என தெரிவிக்கப்பட்டுள்ளது.
லாக்ரேஞ்ச் எல்1 புள்ளியை நெருங்கியதும் ஆதித்யா எல் -1 விண்கலத்தில் உள்ள 7 கருவிகள் சூரியனின் மேற்வளிமண்டலம், வெளிப்புற அடுக்கு குறித்த ஆய்வுகளை மேற்கொள்ள உள்ளது என்பது குறிப்பிடத்தக்கது.
