நேபாளத்தை மையமாகக் கொண்டு ரிக்டர் 6.2 அளவில் நிலநடுக்கம் ஏற்பட்டதாக தேசிய நிலநடுக்க ஆய்வு மையம் கூறியுள்ளது. இதனால் டெல்லியில் நிலநடுக்கம் ஏற்பட்டது. நிலநடுக்கத்தை உணர்ந்த மக்கள் வீதிக்கு வந்தனர்.
நேபாளத்தை மையமாகக் கொண்டு இன்று ஏற்பட்ட நிலநடுக்கம் டெல்லி வரை மிகக் கடுமையான அளவுக்கு உணரப்பட்டது.
இன்று பிற்பகல் 2.51 மணிக்கு நேபாளத்தை மையமாகக் கொண்டு நிலநடுக்கம், ரிக்டர் அளவில் 6.2 ஏற்பட்டதாக தேசிய நிலநடுக்க ஆய்வு மையம் தெரிவித்துள்ளது.
டெல்லி மற்றும் அண்டை மாநிலமான, உத்தரப் பிரதேச தலைநகர் லக்னொவில் நிலநடுக்கத்தை உணர்ந்த மக்கள் வீதிக்கு வந்தனர்.
சுமார் 40 வினாடிகளுக்கு மேல் நீடித்த இந்த நிலநடுக்கத்தால் வீடுகள், கட்டடங்களில் உள்ள பொருள் அனைத்தும் அதிர்ந்தன, மக்கள் பீதியடைந்து வீடுகளை விட்டு வெளியேறினர். பெரும்பாலானவர்கள் வீடுகளைவிட்டு வெளியேறிய வெட்ட வெளிக்கு வந்தனர்.
