நாடாளுமன்றத்தில் கேள்வி கேட்பதற்காக, திரிணாமுல் காங்கிரஸ் எம்.பி., பிரபல தொழிலதிபரிடம் இலஞ்சம் வாங்கியதாக புகார் எழுந்துள்ளது. இதுகுறித்து நடவடிக்கை எடுக்க மக்களவை சபாநாயகருக்கு பாஜக எம்.பி, கடிதம் எழுதியுள்ளார்.
பா.ஜ.க. நாடாளுமன்ற உறுப்பினர் நிஷாந்த் துபே மக்களவை தலைவர் ஓம்பிர்லா-வுக்கு எழுதி உள்ள கடிதத்தில் கூறியிருப்பதாவது, திரிணமுல் காங்கிரஸ் கட்சியைச் சேர்ந்தவர் மாநிலங்களவை உறுப்பினர் மஹுவா மொய்த்ரா. இவர் நாடாளுமன்றத்தில் கேள்வி கேட்கத் தொழிலதிபர் தர்ஷன் ஹிராநந்தனியிடம் இலஞ்சம் வாங்கியிருக்கிறார்.
இதனால், திரிணாமுல் காங்கிரஸ் பெண் நாடாளுமன்ற உறுப்பினர் மஹுவா மொய்த்ராவை உடனடியாக இடைநீக்கம் செய்ய வேண்டும். மஹுவா மொய்த்ரா நாடாளுமன்ற சிறப்புரிமையை மீறி, சபையை அவமதித்து, குற்றவியல் சதி செய்திருக்கிறார். 2019 – 2023-க்கு இடையில், நாடாளுமன்ற உறுப்பினர் மஹுவா மொய்த்ரா கேட்ட 61 கேள்விகளில் 50 கேள்விகள் தர்ஷன் ஹிராநந்தனியின் உத்தரவின் பேரில் இருந்து கேட்கப்பட்டவை.
இந்த கேள்விகளைக் கேட்டதற்காக திரிணாமுல் நாடாளுமன்ற உறுப்பினர்க்கு ஹிரநந்தனி குழுமம் ரூபாய் 2 கோடியும், விலையுயர்ந்த ஐபோன் போன்ற பரிசுகளையும் கொடுத்திருக்கிறது. மேலும், தேர்தலில் போட்டியிடுவதற்காக ரூபாய் 75 இலட்சம் கொடுக்கப்பட்டிருக்கிறது என்று கூறப்பட்டுள்ளது.
