சென்னையில் வரும் நவம்பர் 1-ம் தேதி அன்று இந்து மக்கள் சார்பில் திராவிட ஒழிப்பு மாநாடு நடைபெற உள்ளது என அர்ஜூன் சம்பத் தெரிவித்துள்ளார்.
தமிழ்நாட்டில் சனாதன ஒழிப்பு மாநாட்டில் கலந்து கொண்ட அமைச்சர் உதயநிதி, சனாதன தர்மத்தை அழிப்போம் என பேசினார். அவரது இந்த பேச்சு பெரும் சர்ச்சையை ஏற்படுத்தியது. இதனால், அமைச்சர் உதயநிதியின் நடவடிக்கைக்கு எதிர்ப்பு தெரிக்கும் வகையில் சென்னையில் திராவிட ஒழிப்பு மாநாடு நடத்த முடிவு செய்யப்பட்டது. அந்த வகையில், வரும் நவம்பர் 1-ம் தேதி சென்னையில் திராவிட ஒழிப்பு மாநாடு நடைபெற உள்ளது.
இது தொடர்பாக, அன்னூரில் செய்தியாளர்களுக்கு பேட்டியளித்த இந்து மக்கள் கட்சியின் தலைவர் அர்ஜூன் சம்பத், தமிழகத்தில் இந்துக்கள் விழிப்புணர்வு பெற்று வருகின்றனர். சாமி இல்லை என சொல்லும் திராவிட கட்சிகளை புறக்கணித்து வருகின்றனர். இது தமிழக பாஜக தலைவர் அண்ணாமலையின் யாத்திரை மூலம் வெளிப்பட்டு வருகிறது.
தி.மு.கவையும், அ.தி.மு.கவையும் வேண்டாம் என்று நினைப்பவர்கள், லஞ்ச ஊழலை எதிர்ப்பவர்கள் ஒரு அணியாக திரண்டு வருகின்றனர். இந்த அரசியல் மாற்றத்துக்கு, இந்து மக்கள் கட்சி துணை நிற்கும்.
ஹமாஸ் இயக்கத்தை அல் உம்மா, பாகிஸ்தான் ஆதரவாளர்கள், கம்யூனிஸ்ட் கட்சியினர், திராவிட கட்சிகள் ஆதரித்து வருகின்றனர். இதுதொடர்பாக மத்திய உளவுத்துறை கண்காணிக்க வேண்டும்.
காவிரி ஆணையம், நீதிமன்ற உத்தரவை அவமதித்து, காவிரியில் தண்ணீர் திறக்க கர்நாடகா அரசு மறுத்து வருகிறது. எனவே, கர்நாடகா அரசை டிஸ்மிஸ் செய்ய வேண்டும்.
திமுக மற்றும் காங்கிரஸ் கட்சிகளை வீட்டுக்கு அனுப்பி வேண்டிய நேரம் வந்துவிட்டது. எனவே, வரும் நவம்பர் 1-ம் தேதி சென்னையில் திராவிட ஒழிப்பு மாநாடு நடைபெறும் என்றார்.
