கோவையில் திமுக அரசின் அலட்சியம் காரணமாக, வட்ட வழங்கல் அலுவலர் மின்சாரம் தாக்கி பலியான சம்பவம் பெரும் சோகத்தை ஏற்படுத்தியுள்ளது.
கோவை மாவட்டம் முழுவதும் இரவு நேரத்தில் பரவலாகக் கனமழை பெய்தது. இதனால் நகரின் தாழ்வான பகுதிகளில் வெள்ளம் சூழ்ந்துள்ளது. குறிப்பாக, கோவை ரயில் நிலையம் அருகே சாலைப் பணிகள் நடைபெற்று வருவதால் அங்குள்ள சாலைகள் குண்டும் குழியுமாக உள்ளது.
மேலும், ஒரு வழி போக்குவரத்து மட்டுமே செயல்படுத்தப்பட்டுள்ளது. இதனால், மாவட்ட ஆட்சியர் அலுவலகத்திலிருந்து திருச்சி சாலை நோக்கிச் செல்லும் பாதை மட்டுமே போக்குவரத்திலிருந்து வருகிறது.
கனமழை காரணமாகச் சாலை ஓரத்தில் மழை வெள்ளம் சூழ்ந்து காணப்பட்டது. இந்த நிலையில் அந்த வழியாக இரு சக்கர வாகனத்தில் வந்த இருவர் வாகனத்தைச் சாலையை ஓரத்தில் நிறுத்திவிட்டு அருகில் உள்ள கட்டிடத்திற்குச் செல்ல முயன்றுள்ளனர்.
அப்போது, இருவர் மீதும் மின்சாரம் தாக்கியுள்ளது. இதில் ஒருவர் தாவிக் குதித்துத் தப்பித்துவிட்டார். மற்றொருவர் சாலையில் உள்ள பள்ளத்தில் கால் சிக்கியதால் அங்கேயே கீழே விழுந்துள்ளார்.
இதனால், அவர் மீது மின்சாரம் தாக்கியது. இதில், சம்பவ இடத்திலேயே உயிரிழந்துவிட்டார். மற்றொருவர் கோவை அரசு மருத்துவமனையில் சிகிச்சைக்காக அனுமதிக்கப்பட்டுள்ளார்.
இந்த நிலையில், காவல்துறை நடத்திய விசாரணையில் இருசக்கர வாகனத்தில் வந்தவர்கள் மீது மின்சாரம் பாய்ந்துள்ளது. அதில் ஒருவர் தாவிக் குதித்துத் தப்பித்து விட்டார். இதில், மற்றொருவரின் கால் பள்ளத்தில் சிக்கிக் கொண்டது. இதில் அங்கேயே அவர் விழுந்துவிட்டார்.
இதன் காரணமாக அவர் மீது மின்சாரம் பாய்ந்து அங்கேயே உயிரிழந்துள்ளார். உயிரிழந்தவர் கோவை மாவட்ட ஆட்சியர் அலுவலகத்தில் வட்ட வழங்கல் அலுவலராக பணியாற்றி வரும் செல்வராஜ் என்பது தெரிய வந்துள்ளது.
திமுக அரசின் திட்டமிடாத செயல்பாடுகள் காரணமாகவே, அரசு அதிகாரி பலியாகியுள்ளதாக சமூக ஆர்வலர்கள் குற்றம் சாட்டுகின்றனர்.
