ஆன்மிகமும் கருணையும் நிறைந்த பங்காரு அடிகளாரின் வாழ்க்கை என்றென்றும் பலருக்கு வழிகாட்டும் வெளிச்சமாக இருக்கும் என பிரதமர் மோடி இரங்கல் தெரிவித்துள்ளார்.
வயது முதிர்வு மற்றும் உடல்நலக்குறைவு காரணமாக மேல் மருவத்தூர் பங்காரு அடிகளார் நேற்று மாலை 5 மணிக்கு காலமானார். அவரது உடலுக்கு பக்தர்கள் அஞ்சலி செலுத்தினார். இந்நிலையில், பங்காரு அடிகளாரின் மறைவு அதிர்ச்சி அளிப்பதாக பிரதமர் மோடி இரங்கல் தெரிவித்துள்ளார்.
இதுதொடர்பாக எக்ஸ் தளத்தில் அவர் விடுத்துள்ள பதிவில், ஆன்மிகமும் கருணையும் நிறைந்த அவரது வாழ்க்கை என்றென்றும் பலருக்கு வழிகாட்டும் வெளிச்சமாக இருக்கும் என்றும், மனித குலத்திற்கான தனது அயராத சேவை மற்றும் கல்விக்கு முக்கியத்துவம் அளித்ததன் மூலம், அவர் பலரின் வாழ்க்கையில் நம்பிக்கை மற்றும் அறிவு விதைகளை விதைத்தார் என்று கூறியுள்ளார்.
அவரது பணி தலைமுறைகளுக்கு ஊக்கமளித்து வழிகாட்டும் என்றும் பங்காரு அடிகளாரின் குடும்பத்தினருக்கு அவரது பக்தர்களுக்கு இரங்கல் தெரிவித்து கொள்வதாகவும் பிரதமர் நரேந்திர மோடி தெரிவித்துள்ளார்.
