கத்தாரில் நடைபெற்று வரும் மாஸ்டர்ஸ் செஸ் போட்டியின் 7 வது சுற்றில் உலக சாம்பியன் மேக்னஸ் கார்ல்சனை வீழ்த்திய கார்த்திகேயன் முரளிக்கு பிரதமர் நரேந்திர மோடி பாராட்டு தெரிவித்துள்ளார்.
கத்தாரில் நடைபெற்று வரும் மாஸ்டர்ஸ் செஸ் போட்டியின் 7 வது சுற்றில் உலக சாம்பியன் மேக்னஸ் கார்ல்சனை இந்திய வீரர் கார்த்திகேயன் முரளி எதிர்கொண்டார்.
இதில் கார்த்திகேயன் முரளி அபாரமாக ஆடி வெற்றி பெற்றார். அவருக்கு பல்வேறு தரப்பினர் வாழ்த்துக்களை தெரிவித்து வருகின்றனர்.
இந்த நிலையில், மேக்னஸ் கார்ல்சனை வீழ்த்திய தமிழக செஸ் வீரர் கார்த்திகேயன் முரளிக்கு பிரதமர் மோடி பாராட்டு தெரிவித்துள்ளார். இதுதொடர்பாக எக்ஸ் தளத்தில் அவர் விடுத்துள்ள பதிவில், கத்தார் மாஸ்டர்ஸ் 2023 இல் சிறந்து விளங்கியவர்! கார்த்திகேயன் என்றும், அவரது வெற்றி இந்தியாவை பெருமைப்படுத்தியுள்ளதாக தெரிவித்துள்ளார்.
நடப்பு செஸ் சாம்பியனும், உலகின் நம்பர் 1 வீரருமான மேக்னஸ் கார்ல்சனை வீழ்த்தி அபாரமான சாதனை படைத்துள்ளதாகவும், அவர் அற்புதமான பணி தொடரட்டும் என பிரதமர் மோடி குறிப்பிட்டுள்ளார்.
