மீஞ்சூர் அருகே கோவில் திருவிழாவில் பட்டாசு வெடித்து சிதறிய விபத்தில் 10 க்கும் மேற்பட்டோர் காயம். மருத்துவமனையில் அனுமதி.
திருவள்ளூர் மாவட்டம், பொன்னேரி தொகுதி, மீஞ்சூர் அடுத்த ராமரெட்டிபாளையம் பகுதியில் பெருமாள் கோவில் அமைந்துள்ளது. இக்கோவிலில் புரட்டாசி மாதம் முடிவடைந்த நிலையில் 5 ஆம் வார திருவிழா சனிக்கிழமையான நேற்றிரவு இந்த கோவிலில் வெகு விமர்சையாக நடைபெற்றது.
திருவிழாவின் ஒரு பகுதியாக ஊரில் உள்ள அனைத்து தெருக்களில் சாமி ஊர்வலம் சென்று கொண்டிருக்கும் போது குளக்கரை என்ற பகுதியில் ஊர்வலம் சென்றபோது பகுதியில் வாணவேடிக்கை மற்றும் பட்டாசு வெடிக்கப்பட்டது. அப்போது திடீரென பட்டாசுகள் பயங்கர சத்தத்துடன் வெடித்து சிதறியதால் அங்கு கூடியிருந்த பக்தர்கள், இளைஞர்கள் மீது தீப்பொறி தெரித்ததில் 10 க்கும் மேற்பட்டோர் காயமடைந்தனர்.
திருவிழாவின் ஒரு பகுதியாக ஊரில் உள்ள அனைத்து தெருக்களில் சாமி ஊர்வலம் சென்று கொண்டிருக்கும் போது குளக்கரை என்ற பகுதியில் ஊர்வலம் சென்றபோது பகுதியில் வாணவேடிக்கை மற்றும் பட்டாசு வெடிக்கப்பட்டது. அப்போது திடீரென பட்டாசுகள் பயங்கர சத்தத்துடன் வெடித்து சிதறியதால் அங்கு கூடியிருந்த பக்தர்கள், இளைஞர்கள் மீது தீப்பொறி தெரித்ததில் 10க்கும் மேற்பட்டோர் காயமடைந்தனர்.
உடனடியாக 108 அம்புலன்ஸ் வரவழைக்கப்பட்டு மீஞ்சூர் அரசு ஆரம்ப சுகாதார நிலையத்திற்கு அழைத்து செல்லப்பட்டு முதலுதவி சிகிச்சை அளிக்கப்பட்டது. தொடர்ந்து மேல்சிகிச்சைக்காக அம்புலன்ஸ் மூலம் சென்னை கீழ்ப்பாக்கம் அரசு மருத்துவமனைக்கு அனுப்பி வைக்கப்பட்டனர்.
இந்த சம்பவம் தொடர்பாக மீஞ்சூர் காவல்துறையினர் விசாரணை மேற்கொண்டு வருகின்றனர்.கோவில் திருவிழாவில் பட்டாசு வெடித்து சிதறியதால் 10 க்கும் மேற்பட்டோர் காயமடைந்த சம்பவம் பரபரப்பை ஏற்படுத்தியுள்ளது.
