தலைநகர் டெல்லியில் காற்று மாசுபாடு தொடர்ந்து அதிகரித்து, ஒட்டு மொத்த காற்று தரக்குறியீடு மிக மோசம் என்ற பிரிவில் இடம் பிடித்துள்ளது.
நாட்டின் தலைநகர் டெல்லியில் கடந்த வாரத்தில் இருந்து காற்று மாசுபாடு அதிகரித்து வருகிறது. கடந்த புதன்கிழமை இந்த குறியீடு 83 ஆகவும், வியாழக்கிழமை 117 ஆகவும், சனிக்கிழமை 173 ஆகவும் பதிவாகி இருந்தது. தொடர்ந்து காற்றின் தரம் மோசமடைந்து வருகிறது. இதன்படி, ஒட்டுமொத்த காற்று தரக் குறியீடு நேற்று 266 ஆக பதிவானது.
இதைவிட நொய்டா பகுதியில் காற்றின் தரம் இன்னும் மோசமடைந்து 290 என்ற அளவில் இருந்தது. மேலும், ஆனந்த விஹார் பகுதியில் மிக மோசமடைந்து 345 என்ற அளவிலும், நியூ மோதி பாக் பகுதியில் 360 என்றும் பதிவாகி இருந்தது.
இதுகுறித்து இந்தியா கேட் பகுதியில் சைக்கிளிங் செல்பவர்கள் கூறும்போது, கடந்த 10 முதல் 12 நாட்களாக டெல்லியில் காற்று மாசுபாடு அளவு அதிகரித்து வருகிறது என நினைக்கிறேன்.
அதனை எங்களுடைய கண்களால் நாங்கள் இன்று உணர முடிந்தது. பனியும் அடர்ந்து காணப்படுகிறது. நிலைமை நன்றாக இல்லை என்றே நினைக்கிறேன் என்று தெரிவித்தனர். தலைநகர் டெல்லியில் தொடர்ந்து காற்றின் தரம் மோசமடைந்து வருகிறது.
