ஏஐ தொழில்நுட்ப அபாயங்களை நிவர்த்தி செய்வதற்கான முதல் சர்வதேச பிரகடனத்தில் இந்தியா உள்ளிட்ட 28 நாடுகள் கையெழுத்திட்டுள்ளன.
செயற்கை நுண்ணறிவு (AI) தொழில்நுட்பம் தொடர்பான உச்சி மாநாடு லண்டனில் நவம்பர் ஒன்றாம் தேதி நடைபெற்றது. இந்த மாநாட்டில் ஏஐ குறித்த சாதக மற்றும் பாதகங்கள் தொடர்பாக விரிவாக விவாதிக்கப்பட்டது.
அப்போது ஏஐ தொழில்நுட்ப அபாயம் குறித்த சாவல்களை எதிர்கொள்ள இங்கிலாந்து, அமெரிக்கா, ஆஸ்திரேலியா மற்றும் சீனா போன்ற நாடுகளுடன் இணைந்து பணியாற்ற இந்தியா ஒப்புக்கொண்டது.
AI பாதுகாப்பு உச்சி மாநாட்டின் முதல் நாளில் பிளெட்ச்லி பிரகடனத்தில் கையெழுத்திட்ட 28 நாடுகளில் இந்தியாவும் அடங்கும், இதன் மூலம் AI பாதுகாப்பு ஆராய்ச்சியில் ஒன்றாக வேலை செய்ய நாடுகள் ஒப்புக் கொண்டுள்ளன.
உச்சி மாநாட்டில், அமெரிக்க, ஐரோப்பிய தலைவர்கள், எலோன் மஸ்க் மற்றும் சாம் ஆல்ட்மேன் போன்ற தொழில்நுட்ப உரிமையாளர்களுடன் சீன அமைச்சரும் இணைந்தார். AI ஐ வளர்ப்பதில் நாட்டின் பங்கைக் கருத்தில் கொண்டு, உச்சி மாநாட்டில் பெய்ஜிங் ஒரு முக்கிய பங்கேற்பாளராகக் கருதப்படுகிறது.
இங்கிலாந்து பிரதமர் ரிஷி சுனக், இந்த அறிவிப்பை வரவேற்று, “மிகவும் நம்பமுடியாதது” என்று அழைத்தார். ஏஐ போன்ற தொழில்நுட்ப முன்னேற்றங்களை விட எதிர்கால சந்ததியினருக்கு “மாற்றம் எதுவும் இருக்காது என்றும் சுனக் கூறினார்.
ஏஐ ஆனது பாதுகாப்பான மற்றும் பொறுப்பான முறையில் வளர்ச்சியடைவதை உறுதிசெய்ய நாங்கள் கடமைப்பட்டுள்ளோம் என்றும், அவர் கூறினார்.
