திருமண உறவை மீறி வேறு ஒருவரின் மனைவியுடன் பாலியல் உறவு வைத்துக் கொள்வது, இந்திய தண்டனை சட்டம் பிரிவு 497 -ன்படி குற்றம். இதை எதிர்த்து கேரளாவின் ஜோசப் ஷைன் என்பவர் உச்ச நீதிமன்றத்தில் வழக்கு தொடர்ந்தார்.
இந்த வழக்கில், 2018-ம் ஆண்டில், 5 நீதிபதிகள் அடங்கிய அமர்வு தீர்ப்பு வழங்கியது. அதில், இந்த சட்டப் பிரிவு, பெண்களின் சுதந்திரம், அடிப்படை உரிமையில் தலையிடுவதாக கூறி, இந்திய தண்டனை சட்டம் பிரிவு 497 -ஐ ரத்து செய்து உத்தரவிட்டனர்.
இதனால், ஐபிசி-க்கு பதிலாக பாரதிய நியாய சன்ஹிதா 2023, சிஆர்பிசி-க்கு பதிலாக பாரதிய நாகரீக் சுரக் ஷா 2023, ஐஇசி-க்கு பதிலாக பாரதிய சாக் ஷியா 2023 ஆகிய 3 புதிய மசோதாக்களை கடந்த ஆகஸ்ட் மாதம் நாடாளுமன்றத்தில் மத்திய உள்துறை அமைச்சர் அமித் ஷா தாக்கல் செய்தார்.
இந்நிலையில், புதிய மசோதாக்கள் தொடர்பாக நாடாளுமன்ற நிலைக் குழு, தனது பரிந்துரைகளை மத்திய அரசிடம் சமர்ப்பித்துள்ளது. அதில், திருமண உறவை மீறி வேறு ஒருவரின் மனைவியுடனோ அல்லது கணவருடனோ பாலியல் உறவு வைத்துக் கொள்வது சட்டப்படி குற்றம் என்றும், இதில், ஆண், பெண் என்ற பாகுபாடு இன்றி தண்டனை வழங்கப்பட வேண்டும் என்று பரிந்துரை செய்யப்பட்டுள்ளது.
இதனால், கலாச்சராத்தை மீறி கள்ள உறவில் யார் ஈடுபட்டாலும் அவர்கள் சட்டப்படி குற்றவாளிகள் ஆவார். இதன் மூலம் கள்ள உறவுக்கு கடிவாளம் போட்டப்படுள்ளது.
